खोज

काठमाडौं ।

काठमाडौ जारी आरबिबि एनभिए भलिबल च्याम्पियनसिपमा लुम्बिनी प्रदेशको एभरेष्ट भलिबल एकेडेमी फाईनलमा  प्रवेश गरेको छ। अव एभरेष्ट उपाधिका लागि नेपाल पुलिससंग शनिबार खेल्ने छ।

दोस्रो सेमिफाइनलमा चन्द्रागिरी न्युडाइमण्डलाई ३–० को सोझो सेटले हराउँदै एभ्रेष्ट क्लब फाइनल प्रवेश गरेको हो । त्रिपुरेश्वरस्थित दशरथ रंगशाला कर्भड हलमा एभ्रेष्टले न्युडाइमण्डलाई २५–२०, २५–१२ र २५–१८ ले हराएको हो ।

एभ्रेष्टले यो जितसँगै फाइनलमा पुलिससँगको भेट पक्का गरेको छ । फाइनल खेल शनिबार पुलिस र एभ्रेष्ट क्लबबिच हुनेछ ।

पुलिसले आज भएको पहिलो सेमिफाइनल खेलमा एपिएफ क्लबलाई ३–१ ले पराजित गर्दै फाइनल प्रवेश गरिसकेको छ । शुक्रबार न्युडाइमण्ड र एपिएफ क्लबबिच तेस्रो स्थानका लागि खेल हुनेछ ।

यस्तै पुरुष तर्फ आज दुई क्वाटरफाइनलका खेलहरु हुनेछन् । जसमा तेस्रो क्वाटरफाइनलमा पुलिस र कोशी प्रदेश भिड्नेछन् भने चौथो क्वाटरफाइनलमा त्रिभुवन आर्मी र सुदुरपश्चिम क्लब भिड्नेछन् ।

पुरुषतर्फ गण्डकी प्रदेश र टिपटप हेल्प नेपाल बुधबार भएको पहिलो र दोस्रो क्वाटरफाइनल जित्दै सेमिफाइनल प्रवेश गरिसकेका छन् ।

दुवै तर्फका विजेता टोलीले ५ लाख, उपविजेताले २ र तेस्रो हुने टिमले १ लाख २५ हजार प्राप्त गर्नेछन् ।