खोज

भैरहवा, फागुन २७ । युसिएमएस शिक्षण अस्पताल भैरहवामा ३ टेस्ला एम आर आई सेवाको सुरुवात भएको छ । करीब १८ करोडको लागतमा लुम्बिनी प्रदेशमा पहिलोपटक भैरहवाको युसिएम एस शिक्षण अस्पतालमा सेवा सुरुवात भएको हो ।

एक कार्यक्रममा बिच लुम्बिनी प्रदेशका स्वास्थ्यमन्त्री राजु खनालले उद्घाटन गर्दै स्वास्थ्य क्षेत्रमा युसिएम एस अस्पतालको योगदानको चर्चा गरे । सरकारी अस्पतालमा सेवा पाउन नसकिरहेको बेला प्राइभेट अस्पतालबाट ठुलो सहयोग गरिरहेको उनले दाबी गरे । प्रदेशका नागरिक अब रोग पहिचानका लागि बिदेश वा काठमाण्डौ जानुपर्ने बाध्यता हट्ने उनले बताए । ३ टेस्ला एम आर आइमा विकिरणको जोखिम नभएको, विश्व प्रशिद्ध अत्याधुनिक नयाँ मेशिन, अत्यन्त कम समयमा उच्च गुणस्तरयुक्त भरपर्दो रिपोर्ट, शरिरको कुनै पनि भाग अबलोकन गर्न सकिने, मस्तिष्क, मेरुदण्ड, प्रोस्टेड, स्तन आदिको स्क्यानको उपयोगी, शरिरमा भएका एकदमै ससाना कोशिका नशा, गांठ, हाड, जोर्नी,ट्युमरहरु सहजै अबलोकन गर्न सकिने, क्यान्सर रोग तथा यसको फैलावट सहजै पत्ता लगाउन सकिने युसिएमएसका प्राचार्य लक्ष्मी पाठकले जानकारी दिइन ।
युसिएमएसका निर्देशक खुमा अर्यालले नेपाल सरकारले सन्चालन गरेका सबै कार्यक्रममा युसिएमएसको सहभागिता रहेको बताए । युसिएमएसबाट प्रदान गरिने सेवा सरकारी दर रेट भन्दा कम भएको अर्यालले दाबी गरे । युसिएमएसका मेडिकल सुपरिटेन्डेन्ट प्रोफेसर डाक्टर सदन मुखी, जनसम्पर्क अधिकारी सुशील गुरुङ लगायतले अस्पताल सेवा बिस्तारमा लागेको बताए ।