खोज

लमही, २६ फागुन । लमही नगरपालिकाले हालसम्म २ सय १५ जनालाई गरिव परिवार परिचयपत्र वितरण गरेको छ । नेपाल सरकार भूमि व्यवस्था, सहकारी तथा गैवी निवारण मन्त्रालय मार्फत संचालित यो कार्यक्रमले गरिवीका रेखामुनि रहेका मानिसहरूको पहिचान गरि तीन प्रकारमा वर्गीकरण गरेको छ । अति गरिब, मध्यम गरिब र सामान्य गरिब भनेर राज्यले वर्गीकरण गरेको छ । यसरी वर्गीकरण गरेपनि वार्गीकरनामा परेका गरिबले के के सेवा सुविधा पाउने भन्नेबारे भने कुनै स्पटता छैन । यसले सरकारले परिचय पत्र मात्रै बाँड्ने कि रोजगार पनि दिने भन्ने प्रश्न जन्माएको छ ।

लमही नगरपालिकाले पनि मन्त्रालयको निर्देशन अनुसार सामाजिक सुरक्षा तथा पंजीकरण शाखाले वडा नम्बर १ देखि वडा नम्बर ९ सम्मका गरिवीका रेखामुनि रहेका मानिसको पहिचान गर्दै तथ्यांक संकलन गरेको छ । अहिलेसम्म २ हजार २ सय ४८ जनाको विवरण संकलन भएको सामाजिक सुरक्षा तथा पंजीकरण शाखा प्रमुख कमल अर्यालले जानकारी दिए । गरिब परिवार परिचयपत्र कार्यक्रमका लागि पालिकाले गत आर्थिक वर्ष २०७९ देखि गरिबीको रेकामुनी रहेका मानिसको पहिचान गर्दै विवरण संकलन कार्य थालेको प्रमुख अर्यालको भनाई छ ।

शुरुको आर्थिक वर्ष २०७९ मा २ जनाले मात्र गरिव परिवार परिचयपत्र लिएको तथ्यांकले देखाउँछ । दोस्रो पटक २०८० फाल्गुनमा जारि गरिएको सूचना अनुशार २ सय १३ जनालाई गरिव परिवार परिचयपत्र प्रदान गरेको लमही नगरपालिकाका नगर प्रमुख जोगराज चौधरीले बताए । सरकारले कुनै न कुनै सेवा सुबिधा प्रदान गर्नकै लागि गरिवको वर्गीकरण गरेको होला, हामीले पनि केन्द्रको निर्णय अनुशार विअवरन संकलन गर्दै परिचयपत्र वितरण गर्दै आएका छौं, उनीहरूले पाउने सेवा सुविधाको बारेमा पनि मन्त्रालयले केहि मापदण्ड तोक्ला’– नगर प्रमुख चौधरीले भने ।

त्यसैगरी लमही नगरपालिकाका नगर उपप्रमुख लक्ष्मी योगीले गरिव परिवार परिचयपत्र वितरण गरिएकालाई राज्यले केहि न केही सुविधा उपलब्ध गराउने कुरामा विश्वास व्यक्त गरिन । आर्थिक र भौतिक रूपले समस्याग्रस्त भएका मानिसहरूले नै गरिव परिवार परिचयपत्र पाएका छन् भन्दै उपप्रमुख योगीले गरिवहरूको वर्गीकरण गरेर मात्र नहुने र उनीहरूलाई छिटो भन्दा छिटो सुविधा उपलब्ध गराउनु पर्ने बताइन । लमही नगरपालिका–१ मा १ जना, ३ मा ६ जना, ४ मा ७ जना, ५ मा १८ जना, ७ मा ७ जना, ८ मा १ सय १७ जना र ९ नम्बर वडामा ५९ जना गरि जम्मा २ सय १५ जनालाई गरिव परिवार परिचयपत्र वितरण गरिएको छ ।