खोज

बुटवल, १६ फागुन । क्यानडामा सडक दुघर्टनामा मृत्यु भएका दुई युवाहरुको शव नेपाल पठाईएको छ । सिन्धुपाल्चोकका पासाङ डोल्मा शेर्पा र सुशील भट्टराईको काममा जाने क्रममा बिहान ५.३२ बजेको समयमा दुर्घटनामा मृत्यु भएको हो । मृतक एक जना २३ र अर्को २६ वर्षको भएको खुलेको छ । उनीहरुको बुधवार लण्डनमै पोष्टमार्टम भइसकेको छ । बाह्मटनस्थित टोरब्राम चर्चमा दुबैको अन्तिम श्रद्धाञ्जली कार्यक्रम गरिएको छ । उनिहरुको शव नेपाल पठाउने र आवश्यक कानुनी प्रक्रियामा एनआर एन क्यानडाबाट सहजिकरण गरेको महासचिव चन्दा अधिकारीले बताईन । एनआरएन क्यानडाको अगुवाईमा करीब ५१ लाख रुपैया सहयोग जुटेको उनले बताईन । उनीहरु अन्तराष्ट्रिय विद्यार्थीका रुपमा क्यानाडा आएको र अध्ययन सकेर पोष्ट ग्राजुएट वर्क परमिटमा रहेका थिए । तीन कार आपसमा ठोक्किएको उक्त दुर्घटनामा आठजना घाइते छन् । हाल दुबैको शव टोरन्टो बिमानस्थलमा राखिएको छ । आज राती नै शव भारत हुदै नेपाल पठाईने एनआरएन क्यानडाका उपाध्यक्ष किरोज श्रेष्ठले बताए ।

क्यानडामा समस्यामा परेका धेरै नेपालीहरुको आफुहरुले सहयोग गर्दै आएको नेपाली जनसम्पर्क समिति उपसभापति मुक्तिराज पौडेलले बताए । दुर्घटनामा परेर घाईतेहरुको उपचारमा हुने आर्थिक समस्यालाई समाधान गर्दै आएको उनले बताए । हाल अध्ययन र स्थाई बसोबासी रोजागारको सिलसिलमा बसोबास ६० हजार बसोबास गर्दै आएका छन ।

कार दुर्घटनाका एक चालकलाई सवारी नियम उल्लङ्घन सम्बन्धी पाँच गम्भीर अभियोग लगाउँदै मुद्दा दायर गरिएको छ । ती आरोप प्रमाणित भए उनलाई चर्को सजाय हुने देखिएको छ । २६ वर्षीय मधु थापा मगरलाई दुर्घटनाको कारक देखाउँदै त्यस्ता अभियोग लगाइएको हो । उनी घटनास्थलबाटै प्रहरी नियन्त्रणमा छन् । अन्टारियो प्रोभिन्सियल पुलिसको मिडलसेक्स काउन्टीलाई उद्त गर्दै ’सिटिभी न्युज’ले बुधवार जनाएअनुसार चालक थापा मगरलाई अति लापर्बाही तरिकाले सवारी चलाएका कारण मृत्यु भएको अभियोग अन्तर्गत दुई र अति लापर्बाही तरिकाले सवारी चलाएका कारण शारीरिक क्षति अन्तर्गत तीन अभियोग लगाइएको छ । उल्लिखित अभियोग प्रमाणित भए चालक मगरलाई लामो समय जेल सजाय हुन सक्ने देखिएको छ । मृत्युको कारक बन्ने गरी सवारी चलाएको प्रमाणित भए आजीवन जेल सजाय हुने प्रावधान छ ।