खोज

बुटवल, १५ फागुन । रुपन्देहीमा मंगलबार बसेको खेलाडीहरुको भेलाले रबिन्द्र जिसीको अध्यक्षतामा ९ सदस्यीय समिति सर्वम्मत ९ समिति तदर्थ गठन भएको छ । जसको उपाध्यक्षमा सुरेन्द्र प्रसाद चौधरी, सागर पाठक, सचिव भेषनारायण चौधरी, कोषाध्यक्ष प्रशान्त बश्याल, सदस्यहरुमा चित्र बहादुर क्षेत्री, तुल्सीराम पाण्डे, मिन बहादुर थापा, राजकुमार दाहाल निर्वाचित भएका हुन ।

कार्यक्रमको एक समारोहका बिच प्रदेश खेलकुद परिषद लुम्बिनीका सदस्यसचिव जयप्रकाश भट्टराईले उद्घाटन गर्दै खेलकुद संघ गठनसंगै गतिविधिाई जोड दिन सुझाव दिए । पद ओगट्नेभन्दा पनि नया युवा खेलाडीहरु उत्पादनमा जोड दिन उनले आग्रह गरे ।

कार्यक्रममा नेपाल ओलिम्पक कमिटिका उपाध्यक्ष सुनिल कुमार श्रेष्ठले लुम्बिनी प्रदेशमा नै नया र सम्भावना बोकेको खेलका रुपमा फेसिंङ भित्रिएको बताए । यो खेलबाट नेपालले अन्तराष्ट्रिय मन्चमा पदक जित्ने सम्भावना धेरै रहेको भन्दै यसलाई बिस्तारमा जोड दिएको उनले बताए । सामान्यतया तरबारबाट शरीरका विभिन्न भागमा छोएर नम्बर पाउने आधारमा ३ विधामा यो खेल खेलाईने उनले बताए । ‘शरिरको कुन ठाउमा टच गर्ने त्यसलाई आधार मानिन्छ ।’— उनले भने । इन्डोर खेल र सुरक्षा अप्नाएर खेलिने हुदा धेरै सुरक्षित हुने र प्रविधि जडित हुदा सेन्सरबाट अंक देखाईने उनले बताए । फुट कन्ट्याक, टाउकोदेखि पेटसम्म, घाटिबाट पेटसम्म गरि ईपिईई, एसवाईबिईआर, फोयलबडी ३ प्रकारको हुने उनले बताए ।

नेपालमा ब्याडमिन्टन र टेबलटेनिस जस्ता चर्चित खेलमा भन्दा पनि रेकिङमा हेर्दा यो खेल धेरै अगाडी रहेको उनले दाबी गरे । ओलम्पिक खेलमध्ये यो अहिले अगाडि छ । नेपालमा हाल १ सय ५० बढि खेलाडीहरु छन । काठमाडौ, पाटन, भक्तपुर, पोखरा, सुन्सरी, नुवाकोट, गुल्मि, नवलपरासी, सिन्धुली, सिन्धुपाल्चोक, रामेछाप, कन्चनपुर, कैलालीमा गरि १३ जिल्लामा शाखा छन । कंचनपुरबाट खेलाडीहरुले मेडल हात पारेका थिए । अन्तराष्ट्रिय च्याम्पियनसिपमा ३ पटक सहभागिता जनाएको खेल हो । भने थाईलैण्डमा सम्पन्न युनिभर्सिटी च्याम्पियनसिपमा नेपाल मेडल जितेको थियो । हाल यो आर्मी र एपिएफमा खेलिदै आएको छ ।