खोज

लमही, ११ फगुन ।

स्वर्गद्वारी गुठिपीडित मोहि किसान संघर्ष समितिले आफ्नो मोहियानी हक प्राप्तीका लागि घोराहीको तुलसीपुर चोकमै सडकमै सुतेर विरोध गरेका छन् । उनीहरु सुतेर विरोध जनाएका छन् । किसानहरुलाई मोहियानी हक दिनका लागि सरकारले छिटोभन्दा छिटो गुठी बिधेयक सदनमा पेस गरोस् भन्दै यस्तो कदम चालिएको उनीहरु बताउँछन् ।

पटक पटक आफ्ना समस्याहरु सरकार र स्वर्गद्वारी आश्रममा राख्दा तथा अहिलेका राजनैतिक पार्टीहरुलाई पहिलेका सम्झौताहरु स्मरण गराउँदा पनि माग सुनवाई नभएको भन्दै शान्ति पूर्ण आन्दोलनको घोषणा गर्न बाध्य भएको गूठी पीडित बताउँदै आएका छन् ।

यसअघि गत मगलवार देखि सुरु भएको कार्यक्रम मा मगलवर बुधबार हातमा प्लेकार्ड र थाल ठटाउदै जिल्ला प्रशासन दाङमा दिन रात धर्ना दिएका थिए ।

संघर्ष समितिका अध्यक्ष प्रभु चौधरीको नेतृत्वमा भएको विरोध कार्यक्रममा दाङको १२ मौजाका गुठि पीडित किसान, राष्ट्रिय भुमि अधिकार मञ्ज दाङ, थारु कल्याणकारिणी सभा दाङ, अखिल नेपाल किसान महासंघ दाङ लगायत समाजिक संघ संस्थाहरुको एक्येवद्धतामा विरोध कार्यक्रम भैरहेको छ ।यसैगरी फागुन ११ गतेसम्म चौबिस घण्टे धर्ना कार्यक्रम उनिहरु सडकै सुतेर बिरोध जनाए ।

पुस्तादेखि जग्गा जोत्दै आएको र मोही हक समेत कायम रहेको प्रमाणपूर्जा हुँदा पनि हालसम्म अधिकार नपाएको भन्दै उनीहरु सडक प्रदर्शनमा उत्रिएका हुन् ।

आश्रमको १०३४ बिघा १७ कट्ठा ७ धुर जग्गामध्ये ७५३ बिघा जग्गामा मोही कायम रहेको स्वर्गद्वारी गुठीपीडित मोही किसान संघर्ष समितिका अध्यक्ष प्रभु चौधरीले बताए । सुरुमा २ सय ८९ घरपरिवार मोही किसान रहेकोमा अहिले नयाँ घर टुक्रदै जाँदा ३ हजार ५ घरधुरी पुगेको उनले जानकारी दिए । जसमा १५ हजार बढी सस्ख्यामा बसोबास रहेको छ ।