खोज

काठमाडौं सितापाइलामा बुधवार श्रीमती, छोरी र नातिनीको हत्यापछि राजु घिमिरे भन्ने काजी विकले आत्महत्या गर्नुको मुख्य कारण ‘विवाहेत्तर सम्बन्ध’ रहेको प्रहरीको प्रारम्भिक अनुसन्धानको निष्कर्ष छ । काजीले पत्नी ईश्वरी श्रेष्ठ ‘विवाहेत्तर सम्बन्ध’ मा रहेको कुरा हत्यापछि रेकर्ड गराएको भिडियो बयानमा उल्लेख गरेपछि पछिल्लोसमय सितापाईला घटनामात्र होइन, देशका धेरै स्थानमा विवाहेतर सम्वन्ध अपराधको मूख्य कारण बन्दै गएको देखिएको छ । जिल्ला प्रहरी कार्यालय काठमाण्डौंले समेत हत्याको कारण विवाहेत्तर सम्बन्ध रहेको देखिएको भन्दै अनुसन्धान त्यसतर्फ मोडेको छ । सितापाईलाको घटनामात्र होइन, कपिलवस्तुको महाराजगन्ज नगरपालिका–६ भलवारीका २७ वर्षीय शिवकुमार कुर्मीको हत्या पनि विवाहेतर सम्वन्धकै कारण भएको खुलेको छ । मृतक कुर्मी गत शनिबार साँझदेखि सम्पर्कविहीन भएका थिए ।

जिल्ला प्रहरी कार्यालय कपिलवस्तुका अनुसार मृतक कुर्मी गत शनिबार साँझदेखि सम्पर्कविहीन भएका थिए । घटनाको अनुसन्धान अझै हुँदै गरेको भएपनि उक्त हत्याका पछि पनि विवाहेतर सम्वन्ध मूख्य कारण देखिएको छ । पछिल्लोसमय विवाहेतर सम्वन्धले हत्याको घटनामा आकस्मिकरुपमा बृद्धि गरेको छ । काठमाण्डौं र कपिलवस्तुका साथै दाङ, दिपायल, धनगढी लगायतका स्थानमा विगत एक महिनाको अवधीमा भएका हत्याका घटनामा मूख्यतया विवाहेतर सम्वन्ध प्रमुख कारक देखिएको छ । यी हत्याका घटना अत्यन्त क्रुर छन । विवाहेतर सम्वन्धले घरमात्रै होइन, परिवार र समाजलाई कति असर पु¥याउँछ भन्ने कुरा पछिल्ला उदाहरण काफी छन । निश्चितरुपमा मानव पछिल्लोसमय क्रुर बन्दै गएको छ । मानिसमा दया, माया र करुणा हराउँदै गएको छ । अर्कोतर्फ यस्ता घटनाका पछि सामाजिक सञ्जालको बढ्दो प्रयोग देखिएको छ । सामाजिक सञ्जालको विगत एक महिनायताको घटनाक्रम नियाल्ने हो भने नेपाली समाज डरलाग्दो अपराध र बिदु्रपतातर्फ अघि बढ्दैछ भन्ने पुष्टी हुन्छ । सामान्य निहुँमा मानिसको अस्वाभाविक तबरले हत्या भएका छन । मानिसलाई मानौं कुनै दया माया नै छैन जस्तोगरी बिद्रुपता प्रकट भैरहेको छ । चाहे त्यो बलात्कार, घरेलु हिंसा र कुनै निहुँमा गरिएको बदलाको स्वरुप नै किन नहोस् ।

त्यसैगरी तराईका क्षेत्रमा पछिल्लोपटक भएको हिंसा सम्वन्धि सर्वेक्षणले महिलाहरु हिंसाको डरलाग्दो चक्रमा फस्नु परिरहेको तथ्याँक सार्वजनिक भएको छ । पुरुष प्रधान हाम्रो समाजमा महिलाको स्थिति अझैपनि दयनीय अवस्थामा रहेको छ । र, पछिल्लो सर्वेक्षणले गरिबी, अशिक्षा, अज्ञानता र अन्धविश्वासले मानिस विवस र निरिह भएर वाँच्न बाध्य भएको देखिएको छ । महिलामाथि जघन्य प्रकारका अपराध हुन थालेका छन । त्रासमा पिल्सिएका महिला घरेलु हिंसाको चरम यातना त छँदैछ, त्यसका साथै बलात्कार, अपहरण र हत्याको मारमा परेका छन् । दण्डहीनताको संस्कृतिले जरो गाड्दै गएको कारणले गर्दा नै जसले जे गरे पनि हुन्छ भन्ने मानसिकता बढ्दै छ । अपराध दिनानुदिन बढ्दै गइरहेको छ तर त्यसप्रति न राज्य न त कसैको ध्यान जान सकेको छैन । अपराध मनोबृत्ति नियन्त्रणमा सरकारको अव गंभीररुपमा ध्यानाकर्षण हुनु जरुरी छ । जसरी अपराध मनोबृत्ति बढ्दै छ, त्यसले हाम्रो समाजलाई बिद्रुप अवस्थामा पु¥याएको छ । यसको मूख्य कारणको खोजी गर्नु अव जरुरी छ । समाजमा ब्याप्त अज्ञानता, अशिक्षामाथि बढ्दो हिंसात्मक रुप नियन्त्रणमा सामाजिक चासो र चिन्ता जरुरी छ ।