खोज

बुटवल, ८ माघ । बुटवलमा विशिष्टिकृत मेला गरेर आफनो पहिचान बनाउदै आएको बुटवल उद्योग वाणिज्य संघले बिहिबारदेखी राष्ट्रिय प्राङगारिक कृषि मेला २०८० गर्ने भएको छ । कृषि तथा भुमि ब्यवस्था मन्त्रालय लुम्बिनी प्रदेशको सहकार्यमा संघले फागुन १० देखि १४ गतेसम्म बुटवल मण्डपमा मेला लगाउने भएको हो । ‘यो १२ औ विशिष्टिकृत कृषि मेला हो । ’– संघका अध्यक्ष हरि अर्यालले बताए । मेलाको तयारी बारे पत्रकार सम्मेलनमा उनले यो मेला किसानहरुलाई लक्षित रहेको बताए । कृषि मेलाको महत्वपूर्ण बारे प्रकाश पार्दै उनले सिक्न चाहने किसानहरुका लागि अवसर सृजना गर्ने उनले बताए । कृषिमा आधुनिक प्रविधिको प्रदर्शनी, स्थानिय उत्पादनबाट बनेका कोदो, माछाका परिकारको स्टलका साथै कृषि र किसानलाई सिकाई हुने गरि छलफल/अन्तरक्रिया चलाईने उनले बताए ।

देशमा कुल ६२ प्रतिशत कृषिमा आश्रित रहेकोमा ग्राहस्त उत्पादनमा २४ प्रतिशत योगदान दिदै आएको सरकारी तथ्याक रहेको उनले बताए । ‘रासायनिक मलका बिरुद्ध सचेतना दिने गरि प्राङगारिक मल उत्पादकहरु मेलामा आकर्षित भएका छन ।’– उनले भने । सरकारको प्राङगारिक मेलाका लागि ९ वटा मापदण्ड पार गर्नुपर्ने जुन निक्कै कठिन अवस्था रहेको भन्दै उनले यो शतप्रतिशत प्राङगारिक मात्र नभई असल खेति अभ्यासका रुपमा मेला आयोजना गर्न लागेको बताए ।

कृषिको उत्पादन लागत घटाउन आधुनिक कृषि प्रविधि, कृषि औजार र मेशिनरी सम्बन्धी जानकारी अवलोकनकर्ता कृषक) लाई दिई आधुनिक कृषि उत्पादन सम्बन्धी प्रविधी हस्तान्तरण गर्ने, असल कृषि प्रणाली अपनाइ कृषि, पशुपन्छी तथा मत्स्यजन्य बस्तु उत्पादन एवं बजारीकरणमा सहयोग पुयाउने साथै प्रयोगका लागि जनचेतना फैलाउने समेत मेलाको उदेश्य रहेको छ ।
मंगलबारसम्म ८२ वटा स्टल दर्ता भैसकेको छ ।