खोज

काठमाडौं,७ फागुन ।   त्रिभुवन विश्वविद्यालयको उपकुलपति नियुक्तिमा प्रधानमन्त्री पुष्पकमल दाहालको भूमिका गलत भएको एमालेका अध्यक्ष केपी शर्मा ओली र कांग्रेस महामन्त्री गगन थापाले टिप्पणी गरेका छन् ।
ओलीले असफल सिद्ध भइसकेको व्यक्ति त्रिभुवन विश्वविद्यालयको उपकुलपति नियुक्त हुन सक्ने बताएका छन् ।

सोमबार काठमाडौंमा आयोजित एक कार्यक्रममा उनले प्रधानमन्त्रीले उपकुलपतिमा भागवण्डा पनि नभई एकलौटी गरेको टिप्पणी गरे ।

त्रिभुवन विश्वविद्यालयको उपकुलपति छनोटका लागि प्रधानमन्त्री पुष्पकमल दाहाल प्रचण्डले शिक्षामन्त्री अशोक राईको नेतृत्वमा सिफारिस समिति बनाएका थिए । सिफारिस समितिले चित्रबहादुर बुढाथोकी, केशरजंग बराल र टंकनाथ धमलाको नाम प्रधानमन्त्रीलाई सिफारिस गरेको छ ।

नेपाली कांग्रेसका महामन्त्री गगनकुमार थापाले प्रधानमन्त्री प्रचण्डले त्रिभुवन विश्वविद्यालयको उपकुलपति छनोट प्रक्रियामा नागरिकलाई झुक्याएको आरोप लगाएका छन्।

सरकारले केही दिनभित्रै राजनीतिक भागबन्डाको आधारमा उपकुलपति नियुक्ति गर्ने तयारी गरिरहेको पनि उनले बताए।

तर प्रचण्डले खुला प्रतिष्पर्धा भनेर जनतालाई झुक्याउने काम गरेको उनले टिप्पणी गरे।

विश्वविद्यालयको नेतृत्व चयनदेखि पठनपाठन लगायत विषयमा सुधार गर्नुपर्ने भए पनि प्रधानमन्त्रीले गल्ती दोहार्‍याएको महामन्त्री थापाले बताए।