सामग्री खोज्नुहोस्

तिलोत्तमा, ४ फागुन ।

प्यारामाउण्ट बोर्डिङ्ग स्कुल तिलोत्तमाद्वारा आयोजित जिल्लास्तरीय रनिङ्शिल्ड हाजिरी जवाफ प्रतियोगितामा एभरेष्ट मावि बुटवल प्रथम भएको छ ।

एभरेष्टले नगद १५ हजार, रनिङ शिल्ड र मेडल तथा प्रमाणपत्र प्राप्त गरेको छ । त्यस्तै द्वितीय देवदह बुद्ध पब्लिक माविले नगद १२ हजार, शिल्ड र प्रमाणपत्र प्राप्त गरेको छ । तृतीय न्यू होराइजनले नगद १२ हजार, शिल्ड र प्रमाणपत्र प्राप्त गरेको छ ।

३० ओटा विद्यालय सहभागी प्रतियोगितामा गार्गी एकेडेमी चौथो र स्कलर्स होमले पाँचौ स्थान हासिल गरी नगद रु. १ हजारसहित प्रमाणपत्र प्राप्त गरेका छन् । प्रतियोगिताको उद्घाटन गर्दै तिलोत्तमा नगरपालिकाका नगरप्रमुख रामकृष्ण खाँडले शिक्षमा लागानी बढाउन सके सभ्य संस्कार र आर्थिक उन्नति हासिल गर्न सकिने बताए ।

उनले निजी विद्यालले शिक्षामा महत्वपूर्ण योगदान दिएको बताउँदै. तिलोत्तमा शिक्षाको हब बनाउनुपर्ने धारणा राखे । विद्यालयका संस्थापक प्राचार्य दामोदर भुसालले कार्यक्रमको उद्देश्यमाथि प्रकाश पारेका थिए । विद्यालयको वार्षिक परीक्षामा उत्कृष्ट नतिजा ल्याउने कक्षा २ देखि ११ सम्मका विद्यार्थीहरू,उत्कृष्ट शिक्षक तथा कर्मचारी र पुरुष अभिभावक फुटबल तथा महिला अभिभावक कुर्ची दौडका विजेतालाई नगरप्रमुख खाण, तिलोत्तमा शिक्षा शाखाका प्रमुख गंगाराम आचार्य, संस्थापक प्राचार्य दामोदर भुसाल, विद्यालय व्यवस्थापन समिति अध्यक्ष पूर्ण प्रसाद सापकोटाले पुरस्कार वितरण गरेका थिए ।

फोक्सोका क्यान्सर पीडित पूर्व विद्यार्थीका अभिभावकलाई विद्यालय, शिक्षक र विद्यार्थीहरूद्वारा एक लाख ५० हजार सहयोग गरिएको शिक्षक दिवाकर पन्थीले जानकारी दिए । कार्यक्रममा तिलोत्तमा वडा नं. १ का अध्यक्ष फर्सुराम गिरी, प्याब्सन रूपन्देहीका अध्यक्ष अनन्तराम शर्मा, विद्यार्थी आयुसा भुसाल लगायतले मन्तव्य व्यक्त गरेका थिए । कार्यक्रममा विद्यार्थीहरूले विभिन्न नृत्य तथा गीत प्रस्तुत गरेका थिए ।