खोज

तिलोत्तमा, ३ फागुन ।   तिलोत्तमा नगरपालिका र नवजिवन क्लबको आयोजनामा फागुन ५ गतेदेखि शुरु हुने तिलोत्तमा क्रिकेट कप प्रतियोगिताको खेल तालिका ९टाइसिट० सार्वजनिक भएको छ । फागुन १३ गतेसम्म चल्ने प्रतियोगितामा हरेक दिन समूह एबाट बिहान ९ बजे एउटा र समूह बी बाट दिउसो १ बजे एउटा गरी दैनिक दुई खेल हुने गरी टाईसिट बनेको हो ।

यसअघि बिहान र दिउसो हुने दुबै खेल एउटै समूहबाट खेलाउने गरी तय भएपनि टिमहरुको सुझावको आधारमा दुई वटै समूहबाट एक एक खेल खेलाउने गरी टाइसिटलाई अन्तिम रुप दिइएको प्रतियोगिता संयोजक एवं आयोजक नवजिवन क्लबका उपाध्यक्ष सागर पाठकले जानकारी दिए ।
प्रतियोगिताको उद्घाटन खेलमा वडा नंं १६ र वडा नंं ९ बीच बिहान ९ बजेदेखि खेल शुरु हुने छ । यस्तै वडा नं ११ र २ बीच दिउसो १ बजेदेखि खेल हुने संयोजक पाठकले बताए ।
वडा तहबाटै क्रिकेट खेलाडी उत्पादन गर्ने र खेलिरहेका खेलाडीको खेल कौशल सुधार्ने उद्देश्यले दोस्रो संस्करणको नगरस्तरीय क्रिकेट प्रतियोगिता हुन लागेको हो । तिलोत्तमा ६ दश नम्बरस्थित नवजीवन क्लबको खेल मैदानमा २० ओभरमा खेलाइने प्रतियोगितामा तिलोत्तमाका १७ वडा मध्ये वडा नंं १२ वाहेक १६ वडाका टिमको सहभागिता रहने क्लबका अध्यक्ष केशव भुसालले बताए । प्रतियोगितामा प्रथम हुनेले ५० हजार,दोस्रोले २५ हजार,प्लेयर अफ द सिरिजले १० हजार तथा बेस्ट बलर र बेस्ट ब्याटस्म्यान ५ हजारका दरले पुरस्कार पाउने छन् । यस्तै प्रत्येक खेलमा म्यान अफ द म्याचलाई ट्रफी र इमर्जिङ प्लेयरलाई ट्रफी प्रदान गरिने उनले बताए ।