Butwal Today

लुम्बिनी गुरुयोजना पूरा गर्न रवि लामिछानेले गरे १० किमि पैदल यात्रा

न्युज बुटवल टुडे
२ फाल्गुन २०८०, बुधबार
अ
अ+
अ-

भैरहवा, २ फागुन ।

राष्ट्रिय स्वतन्त्र पार्टीले राष्ट्रव्यापी दवाव अभियान अन्तर्गत लुम्बिनी गुरुयोजना कार्यान्वयनका लागि दवाव स्वरुप बुधबार पैदल यात्रा गरेको छ ।

रास्वपाका सभापती रवि लामिछाने सहित पार्टीका नेताहरु सहित करिव १० किमिको पैदल यात्रा गर्दै लुम्बिनी गुरुयोजना कार्यान्वयन गर्न दवाव दिएका हुन् ।

लुम्बिनी गुरुयोजना क्षेत्र उत्तरतर्फको १२ नम्बर गेटबाट निर्माणाधिन संरचनाको अवलोकन गर्दै लामिछानेले शान्तिदीप, मायादेवी मन्दिरको दशर्न गर्दै दक्षिणतर्फको ६ नम्बर गेट हुँदै महिलवार चौकसम्म पैदलयात्रा गरे ।

महिलवारमा आयोजित कोणसभालाई सम्बोधन गर्दै पार्टी सभापति लामिछानेले ४६ वर्षदेखि अलपत्र लुम्बिनी गुरुयोजना कुनै पनि वहानामा ढिलाई गर्ने छुट नरहेको बताए । उनले गौतमबुद्धको पवित्र जन्मभूमिको नाममा कसैले बदमासी गर्न नहुने बताउँदै आफुहरुले गुरुयोजना कार्यान्वयनका लागि निरन्तर दवाव दिने र समाधानपत्र सरकारलाई बुझाउने बताए ।

रास्वपाले लुम्बिनीको गुरुयोजना कार्यान्वयनका लागि बजेट अभाव हुन नदिन समेत आग्रह गरेको छ । पूर्वउपप्रधान तथा गृहमन्त्री लामिछानेले मायादेवी मन्दिर अगाडि परेवा उडाउनुभएको थियो भने नवनिर्मित दीयो बाल्ने सेडमा दिप प्रज्वलन गरेका थिए । यसैविच लामिछानेले लुम्बिनी साँस्कृतिक नगरपालिका र सिद्धार्थनगर नगरपालिकाको पार्टी कार्यालयको समेत उद्घाटन गरेका थिए ।

सम्बन्धित खबर

विकासलाई भावनात्मक नारामा सीमित नगरौंः पौडेल

बालेनसँगै अछाम गएका पत्रकार सिटौलाको निधन

बजार झरेका मतदाता भन्छन्, ‘गाउँमै बस्ने वातावरण बनाइदेउ’

निर्वाचन ३२ दिन बाँकीः पन्ध्र जिल्लाको १८ निर्वाचन क्षेत्रको मतपत्र छपाइ सम्पन्न

नारायणघाट–बुटवल सडकः पूर्वी खण्डका पुल निर्माण सम्पन्न

गुल्मी–१ निर्वाचन: पुरानालाई चुनौती, नयाँको परीक्षा

दुर्योधनको ह्याट्रिक र छविलाल दोहोरिएको रुपन्देही–१ : नयाँ सांसदको खोजी

प्रतिनिधिसभा निर्वाचन: लुम्बिनीका २६ निर्वाचन क्षेत्रमा उम्मेदवारको खर्च सीमा कति ?