खोज

धनगढी,२७ माघ । सुदूरपश्चिम प्रदेश सरकारका मुख्यमन्त्री कमलबहादुर शाहले आफ्नो कार्यकालको एक वर्षे उपलब्धि सार्वजनिक गरेका छन्। शनिबार मुख्यमन्त्री शाहले उपलब्धि सार्वजनिक गरेका हुन्।
एक वर्षको अवधिमा सुदूरपश्चिम प्रदेश सरकारले महत्त्वपूर्ण उपलब्धि भने हासिल गर्न सकेको छैन । सुदूरपश्चिम स्वरोजगार कोषबाट १४ सहकारी मार्फत ४ सय ६२ जनालाई १० करोड ३० लाख कर्जा,सुदूरपश्चिमको आर्थिक सर्वेक्षण प्रकाशन,विभिन्न प्रतियोगिता सञ्चालन,कर्मचारीहरूलाई तालिम,कृषीयन्त्र उपकरण र अनुदान वितरण,सडकहरू निर्माण प्रक्रियाको थालनी लगायतलाई प्रमुख उपलब्धि मानिएको छ ।
अनुगमन,भ्रमण र बैठकलाई नै उपलब्धि मानिएको छ । इजरायल घटनामा ज्यान गुमाएका सुदूरपश्चिमका ७ जना विद्यार्थीका परिवारलाई दुई ⁄दुई लाखका दरले रकम सहयोग,बझाङ भूकम्प प्रभावितहरूको उद्धार तथा राहत वितरणमा ११ करोड खर्च ,जाजरकोट भूकम्प पीडितहरूका लागी १ करोड रकम सहयोग,सुदूरपश्चिममा प्राकृतिक विपत्तिको समयमा निरीक्षण,उद्धार तथा राहत सामाग्री सहयोग,स्थलगत अवलोकन अनुगमन,९ वटै जिल्लामा भ्रमणलाई प्रदेश सरकारको उपलब्धि मानिएको छ ।
सुदूरपश्चिम सरकारले आफ्नो एक वर्षलाई उत्साहजनक रहेको दाबी गरेपछि प्रमुख प्रतिपक्ष दल नेकपा एमालेले भने सरकार गन्तव्यहीन भएको आरोप लगाएको छ ।

‘सरकारको एक वर्षमा कुनै कामको मूल्याङ्कन हुने अवस्था छैन सरकारले यो बेला सम्म कुनै काम गरेको छैन ’ एमाले प्रमुख सचेतक सुरेन्द्र पालले भने, ‘सरकारले बिजनेस दिन सकेको छैन । काम कारबाही गर्न सकेको छैन ’ । बजेट खर्चमा पनि उपलब्धि गर्न सकेन । विकास निर्माण गर्न सकेन।’राप्रपा सांसद खिमा देवी विष्टले पनि सरकारले काममा गति दिन नसकेको बताइन् ।
बजेट पास भएको ६ महिना बितिसक्दा पनि १५ प्रतिशत खर्च गरेको भन्दै उनले प्रदेश सरकार फेद भएको बताइन् ।
अहिले कमल बहादुर शाह नेतृत्वका सरकारसँग कांग्रेस र नेकपा एकीकृत समाजवादीले खुलेर विरोध गरेका छैनन् तर माओवादी र नागरिक उन्मुक्ति पार्टीले सांसदमै सरकारको आलोचना गरिसकेका छन् ।
‘माननीयहरूलाई सोर्दैन । हामी सुन्दै छौँ बहुवर्षीय ठेक्काहरू केही सीमित भूगोलमा भकाभक भइरहेका छन् ’ सरकार एकलौटी ढङ्गले अगाडी बढिरहेको भन्दै उनले उनले अघिल्लो प्रदेश सभा बैठकमा भने, ‘सिङ्गो सुदूरपश्चिम बेखवर छ । सिङ्गो संसद् बेखवर छ । यो अवस्था कसरी आयो म प्रश्न गर्न चाहन्छु ।’