खोज

बुटवल, २७ माघ । नेपाल स्वयंसेवी रक्तदाता समाज र रुपन्देही बचत तथा ऋण सहकारी संघ लिमिटेडले शनिबार बुटवलमा संयुक्त रक्तदान कार्यक्रम गरेको छ । सहकारी संघको १८ औ स्थापना दिवसको अवसरमा पहिलो पटक तथा रक्तदाता समाजको १३१ औ नियमित रक्तदान कार्यक्रम संयुक्त रुपमा आयोजना गरिएको हो ।

कार्यक्रमको एक समारोहका बिच बुटवल उपमहानगरपालिका वडा नं ६ वडाअध्यक्ष लोकनाथ न्यौपाने ब्लड ब्याग हस्तान्तरण गरि शुभारम्भ गर्दै सामाजिक कार्यमा सबै एक ठाउ उभिनुपर्ने बताए । रगत अभावलाई पुरा गर्ने रुपमा रुपन्देही जिल्ला पहिचान बनाउनु सामान्य नभएको भन्दै यसमा यहाका रक्तदाता र संघसंस्थाहरुको महत्वपूर्ण भुमिका रहेको उनले बताए ।

कार्यक्रममा संघका अध्यक्ष बसन्त ढकालले सहकारी शेयर सदस्यहरुलाई रक्तदानको महत्व बुझाउदै समाजमा रक्तदान कार्यक्रमलाई बढाउने लक्ष्यसहित कार्यक्रम गरिएको बताए । रुपन्देहीका २५५ सहकारीहरुका सदस्यलाई यस विषयमा सचेतना जगाउने गरि अभियान आगामी दिन चलाउने उनले बताए ।

कार्यक्रममा नेपाल स्वयंसेवी रक्तदाता समाजका केन्द्रिय महासचिव तथा जिल्ला अध्यक्ष कृष्ण चौहानले यस क्षेत्रका विरामीहरुको मागमात्र नभई अन्य धेरै जिल्लामा समेत रगतको मागलाई पुरा गर्दै आएको बताए । समाजको अगुवाईमा रगत निशुल्क बनाउनेदेखि १८ प्लस उमेरमा रक्तदान गर्न प्रोत्साहन गर्ने कामा सफल हासिल गरेको उनले बताए । अझै पनि रक्तदान सम्बन्धमा रहेको समाजमा गलत मानसिकतालाई हटाउन गरि सचेतना कार्यक्रमलाई जोड दिदै आएको उनले बताए । समाजबाट वार्षिक ५ हजार पोईन्ट ब्लड संकलन गरि सहयोग हुदै
आएको उनले बताए ।

कार्यक्रममा संघका सचिव बाबुराम बन्जाडेले सामाजिक उत्तरदायित्व अन्तरगत पुण्य कामका रुपमा रक्तदान कार्य गरिएको बताए । नेपाल रेडक्रस सोसाईटी, रक्तसंचार सेवा केन्द्र बुटवलको प्राविधिक सहयोगमा भएको रक्तदान कार्यक्रममा ५२ जना रक्तदाताहरुले रक्तदान गरेको उनले बताए ।