खोज

बुटवल, २६ माघ । लुम्बिनी प्रदेशका विभिन्न अस्पतालमा कार्यरत फिजिसियन चिकित्सकहरुको समाज गठन भएको छ । शुक्रबार रुपन्देहीमा भएको पहिलो साधारण सभा तथा अधिवेसनबाट डा विष्णु प्रसाद पौडेलको अध्यक्षतामा १३ सदस्यीय लुम्बिनी इन्टर्नल मेडिसिन सोसाईटी गठन भएको हो । जसको बरिष्ठ उपाध्यक्ष डा नन्दुप्रसाद पाठक, उपाध्यक्ष डा महेशराज घिमिरे, महासचिव डा सरोज थापा, सचिव डा कृष्ण कुमार अग्रवाल, कोषाध्यक्ष डा बिशाल के.सी., सह कोषध्यक्ष डा शम्भु खनाल, सदस्य डा मोहनलाल तिवारी, डा सुन्दर पाण्डे, डा तिलचन्द पाण्डे, डा. मनिष बि.के., डा कृष्ण खनाल, डा आकाश शाही निर्वाचित भएका छन । नवनिर्वाचित अध्यक्ष डा बिष्णु प्रसाद पौडेलले चिकित्सकहरुको पेशागत हकहितसंगै अभिमुखिकरण कार्यक्रमहरुलाई आफुले जोड दिने प्रतिबद्धता जनाए ।

एक कार्यक्रमका बिच सिनियर जनरल फिजिसियन डा एल बि भट्टले साधारण सभालाई समुद्घघाटन गर्दै स्वास्थ्य क्षेत्रलाई प्रभावकारी र आम नागरिकको पहुचमा पुग्ने गरि लाग्न सुझाव दिए । चिकित्सकहरु संस्थागत हुदा आफनो पेशागत हकअधिकारसंगै सामाजिक कार्यमा लाग्न मद्दत मिल्ने उनले बताए ।

यसैबिच चिकित्सकहरुको अभिमुखीकरण कार्यक्रममा सेभ द चिल्ड्रेनका एनटिसिसिका डाईरेक्टर डा प्रज्वल श्रेष्ठले नेपालमा क्षयरोग र यसको न्युनिकरणको सरकारी अभियानको बारेमा आफ्नो कार्यपत्र प्रस्तुत गरे । कार्यक्रममा सेभ द चिल्ड्रेनको ग्लोबल फण्ड प्रोग्रामका सिनियर टेक्निकल एडभाईजर डा आशिष श्रेष्ठले विश्व परिबेशमा क्षयरोग र नेपालमा पहिचानमा चुनौती, गौतम बुद्घ सामुदायिक मुटु अस्पतालका कन्सल्टेन्ट कार्डियोलिजिष्ट विशाल केसी, डिएम गेस्ट्रोमेट्रोलोजीस्ट डा अरुण ज्ञवालीले पेटरोग विषयमा आफनो प्रस्तुती दिएका थिए ।

कार्यक्रममा नेपाल चिकित्सक संघ लुम्बिनी रुपन्देहीका कृष्ण खरेलले बुटवलमा स्वस्थ क्षेत्रमा अब्बल ब्यक्तित्व एलबि भट्टको योगदानबारे चर्चा गर्दै नया पुस्ताका चिकित्सकमा संस्कारको विकास भएको बताए । चिकित्सकहरुलाई एकेडेमीक अन्तरक्रिया निरन्तर आवश्यक हुने भन्दै नया युवाहरुबाट शुरुवात भएको यो अभियान निक्कै उपयोगी र समयको माग भएको उनले बताए ।