खोज

बुटवल, २५ माघ । प्रतियोगिताले नयाँ खेलाडीहरूलाई प्लेटफर्म दिन्छ । यसको उदहारण हो । गुल्मीका हरि थापा र चन्द्र कँुवर । स्थानीय धेरै प्रतियोगितामा आफनो प्रतिभा देखाएर दर्शकको मन जितेका थापा र कुँवर अवसर पाएका थिएनन । बुटवलमा विसं २०६६ सालमा आयोजना भएको २६ औ राष्ट्रिय पुरुष भलिबल प्रतियोगिताबाट यी दुईको भाग्य चम्कियो । उनीहरूको प्रतिभाको सहि पहिचान खेलमा भयो । नेपाल प्रहरी क्लबको अहिलेको मुख्य खेलाडीका रूपमा यी दुई खेलाडी पर्छन । गुल्मीका हरि थापा र चन्द्र कँुवर यही प्रतियोगिताबाट उदाएका हुन । राष्ट्रिय खेलाडीहरू पाउन सफल भयो ।

भलिबल खेलका क्रेज आफनो पालामा निक्कै उत्कर्षमा पुगेको पुर्व भलिबल खेलाडी तथा रूपन्देही जिल्ला भलिबल संघमा २०६४ देखि २०७३ सालसम्म अध्यक्ष रहेका विष्णु कुमार श्रेष्ठ बताउछन । दुई वटा राष्ट्रियसंगै धेरै स्थानिय, जिल्ला प्रतियोगिता सम्पन्न गरेको उनि भलिबलबाट रूपन्देहीको पहिचानलाई राष्ट्रियस्तरमा पुर्याउन सफल भएको उनी बताउँछन ।

२०६६ सालमा २६ औं राष्ट्रिय पुरुष भलिबल तथा २०७२ सालमा १९ औं राष्ट्रिय महिला भलिबल आफ्नो कार्यकालमा गरेको उनले बताए । श्रोतसाधनको अभावमा खेलाडीलाई धेरै समस्याबाट ग्रुजेर खेल खेल्ने अवस्थाबाट अहिले ब्यवसायिक बन्नेसम्म पुगेको उनि बताउछन । ‘पहिले भलिबलको धेरै राम्रो क्रेज थियो तर ब्यवस्थित थिएन ।’–उनले भने । अहिले ब्यवस्थित र राम्रो हुँदै गएको उनी बताउँछन ।

श्रेष्ठसँगै उपाध्यक्ष रहेका योग गुरुङ पनि सानैबाट भलिबल खेल्थे । तत्कालिन समयमा विद्यालयस्तरमा विरेन्द्र शिल्ड प्रतियोगिता खेलेको उनलाई सम्झना छ । बुटवलको उजिरसिह माबिबाट उनी भलिबल खेल्थे । टिम तयार गर्थे । २०४२ सालतिर भलिबल खेलेको उनि बताउँछन । ‘धेरै प्रतियोगिता खेले ।’ उनि जिल्ला अध्यक्ष हुँदै अहिले लुम्बिनी प्रदेश भलिबल संघका उपाध्यक्ष हुन । खेलमा नै लामोसमय बिताएका उनी भलिबल खेल राष्ट्रिय खेल घोषणा हुँदाको साक्षी पनि हुन । ‘अहिलेसम्मको अवस्था हेर्दा भलिबलको धेरै विकास भएको छ ।’–उनले भने । विकाससंगै केही विकृति पनि रहेको उनी स्वीर्काछन ।

केही स्थानिय आयोजकहरू युवाहरूलाई सहभागिताको आधारमा श्रेणी तोकेर खेल्न नदिने जस्ता काम गर्दा यसले युवा खेलाडीहरूमा निरासा उत्पन्न भएको बताउँछन । ‘समन्वय अभाव छ ।’– उनले भने । खेलाडीको लेभललाई उमेर समुहभन्दा पनि प्रतियोगिताको आधारमा वर्गिकरण गर्नु गलत भएको उनी बताउँछन । एकपटक राष्ट्रियस्तरको प्रतियोगिता खेलेको खेलाडीलाई अन्य खेलमा खेल्न नदिने जस्ता मनपरि नियम लागु गर्ने गरेको उनी बताउँछन । केन्द्रीय भलिबल संघबाट निर्देशित नियमलाई कार्यान्वयन नगरि मनपरि खेल र खेलाडीहरू मर्कामा पर्ने गरि काम भएको उनले दुखेसो गरे । ‘बि लेभलको नाममा गरिएको प्रतियोगिता बहिष्कार गर्न जरुरी छ ।’–उनले भने ।