खोज

बुटवल ।

विश्व हिन्दू महासंघ राष्ट्रिय समिति बाँसबारी अन्तर्गत लुम्बिनी कार्यसमिति रुपन्देहीको बैठक बुटवल–१२ नयाँ गाउँ मुक्तिनाथ धाम परिसरमा सम्पन्न भएको छ ।

बैठकले साविकका लुम्बिनी अञ्चल अन्तर्गत पर्ने ६ वटा जिल्लाले आगामी फागुन मसान्तभित्र कार्यसमितिको निर्वाचन गर्ने निर्णय गरेको छ । जिल्लाको सभापति अञ्चल कार्यसमितिको सहमतिमा केन्द्रले नै तोकिसकेकाले बाँकी पदका लागि कार्यसमिति चयन गर्ने निर्णय बैठकले गरेको सभापति देवराज घिमिरेले जानकारी दिए ।

सभापति बाहेकका कार्यसमिति निर्वाचन प्रक्रिया वा सहमतिका आधारमा निर्माण गरी आगामी चैत १० गतेभित्र विश्व हिन्दु महासंघ लुम्बिनीमा पेश गर्ने सर्वसम्मत निर्णय बैठकले गरेको घिमिरेले जानकारी दिए । ६ जिल्ला मध्येमा रुपन्देही सभापति गोविन्दरा पाण्डेय, गुल्मी सभापति प्रकाश पाण्डेय, पाल्पा सभापति देवराज ढकाल, अर्घाखाँची सभापति मणिराम पौडेल, कपिलवस्तु सभापति योगी पुरी सन्यासी, नवलपरासी सभापति हुमा काफ्ले रहेका छन् ।

त्यस्तै बैठकले विभिन्न स्रोतमार्फत आर्थिक संकलन गर्ने निर्णय गरेको छ । कार्यालय सञ्चालन तथा व्यवस्थापनका लागि आवश्यक रकम केन्द्रीय समितिसँग माग गर्ने, आजीवन सदस्य, साधारण सदस्यबापतको रकम विधान अनुसार संकलन गर्ने साथै स्थानीय सरकार तथा संघसंस्थाबाट आर्थिक सहयोग जुटाउने निर्णय बैठकले गरेको छ ।

बैठकले साविकको लुम्बिनी अञ्चल अधिवेशन सम्पन्न गर्न प्रत्येक जिल्लाबाट १५ जनाको दरले प्रतिनिधित्व हुने गरी आ–ाफ्नो जिल्लाले प्रतिनिधिको रुपमा सिफारिश गर्ने र अञ्चल कार्यसमितिमा आगामी चैत २० गतेभित्र सिफारिश पेश गर्ने निर्णय गरेको छ ।

बैठकले विश्वहिन्दू महासंघको राष्ट्रिय सम्मेलनको समयमा रामचन्द्र अधिकारीबाट भएको समर्थन र गतवर्ष केन्द्रमा समेत कार्यकारी सभापति दिएपछि पनि विश्व हिन्दू महासंघ एकै ठाउँ हुन नसकेको त्यसकको कारण जिल्ला कार्यसमितिमा उपलव्ध गराउन राष्ट्रिय समितिमा माग गर्ने निर्णय गरेको छ ।