© २०२३
२५ मंसिर २०८२, बिहीबार
२५ मंसिर २०८२, बिहीबार
कपिलवस्तु, २० माघ । पंक्षी आरक्ष जगदीशपुरको पर्यापर्यटकीय आकर्षण उजागर गर्न फोटो कार्यशालाका पुरस्कृत फोटो प्रर्दशन गरिएको छ । कार्यशालामा वाईल्डलाईफ फोटोग्राफर चुङबा शेर्पाले फोटोग्राफीका ज्ञान, शिप र दक्षता दिएर तस्बिर खिच्न लगाईएको थियो । त्यहाँ खिचिएका तस्बिरको चरा र प्रकृति बिधामा धादिङका प्रताप गुरुङ प्रथम भएका थिए । सुनसरीका निशान शर्मा पराजुली र कपिलवस्तुका ज्ञानु पाण्डे क्रमशः द्वितिय र तृतीय भएका थिए ।
संस्कृति, सम्पदा र जीवनशैली बिधामा मकवानपुरका दृष्टान्त बिडारी प्रथम भएका थिए । रूपन्देहीका कृष्ण गलामी र कपिलवस्तुका मनिष गुप्ता तृतीय भएका थिए । कपिलवस्तु नगरपालिकाका नगर प्रमुख सुदिप पौडेल र लुम्बिनी प्रदेश सभा सदस्य बिष्णु पन्थीले प्रथम, द्वितीय र तृतीय हुनलाई क्रमशः २५ हजार, १५ हजार र १० हजार तथा प्रमाणपत्र प्रदान गरेका थिए ।
कार्यशालाका उत्कृष्ट १९ फोटो विश्व सीमसार दिवशको उपलक्ष्यमा शनिबारसम्म दुई दिन प्रदर्शन गरिएको थियो । जिल्ला बाहिरका १३ सहित २० जना वाईल्डलाईफ फोटोग्राफर र फोटोपत्रकार सहभागी थिए । प्रतियोगितामा ४० तस्बिर प्राप्त भएका थिए । कार्यक्रम गच्छामी मिडिया ग्रुपले आयोजना गरेको हो ।
© २०२३
सर्वाधिकार सुरक्षित
Design & Developed By:
