खोज

अर्घाखाँची, २० माघ । पोखराथोक रयलेकी कमला नेपाली । यिनको उमेर ५३ वर्ष भयो । उनको हातमा कापी, कलम र झोला छ । उनी एक विद्यालयमा पनि पुगिन् । उनी त्यो विद्यालयमा पढ्न पुगेकी होईनन् । उनलाई पढ्ने रहर पनि छैन् । हातमा कापी र कलम लिएर आएपछि श्री चित्ररम्भा आधारभुत विद्यालयमा शिक्षक, शिक्षिकाहरू पनि उहाँ पढ्न आउँनुभएको त होईन, भनेर सोध्न लागे । तर, उहाँ पढ्न नभई अस्पतालमा रहेकी बुहारीको उपचारमा सहयोग गर्नका लागी सहयोग माग्दै हिँडेकी रहिछन् ।

टाउँकोमा टोपी, पोते, राता कपडा लगाएर मलिन लाग्दो अनुहार लिएर उनी गाउँगाउँमा डुलिरहेकी छन् । रहरले नभई बाध्यताले गाउँमा डुलीरहेकी छु, गाउँका दाजुभाईहरूले सक्दो सहयोग गर्नुहुन्छ, भनेर सबैको घरमा पुगेकी छु, बुहारी बिरामी भएको खबर सबैलाई थाहा छ, कमलाले भनिन् ।

अर्घाखाँचीको पाणिनी गाउँपालिका वडा नं. २ पोखराथोकका सुमन नेपालीको २७ वर्षिय श्रीमती सुमित्रा नेपाली बिरामी भएको २२ दिन भयो । बुटबलको लुम्बिनी प्रादेशिक अस्पतालको आईसियुमा उपचाररत सुमित्रा २४ दिनकी सुत्केरी पनि हुन् । उनलाई सुत्केरी भएको पीडा एकातर्फ छ, अर्कोतर्फ मृगौला र कलेजोमा आएको समस्या छुट्टैछ । मृगौलाको डायलायसिस भईरहेको छ । माघ २७ गतेदेखी अस्पतामा रहेकी सुमित्राको परिवार सम्पन्नशाली पनि होईनन् । श्रीमान सुमन केहि वर्ष पहिला भारतमा रोजगारी गर्थे, अहिले गाउँमै सिकर्मी पेशा गर्दै आएका थिए । सुमन भन्छन् ‘बचत पैसा खासै छैन, उपचार गर्न थालेको २० दिन कटिसक्यो, यो उपचार महंगो छ, दुईदिनमा १०÷१२ हजार रूपैँया खर्च हुन्छ, भावुक हुदैँ भन्छन् ।

लुम्बिनी प्रादेशिक अस्पताल बाहिर भेटिएका सुमन भन्छन् ‘कती रूपैँया उपचार गर्दा खर्च लाग्ने हो, थाहा छैन, २३ दिन भयो अस्पतालमा बसेको, विरामी आईसियुमा छन्, म यही अस्पताल बाहिरै सुत्छु।’ घरदेखी बिरामीको कुरुवाका लागी म मात्रै आएको छु, २५ दिनको बच्चा सानिमाको घरमा सालझण्डी छन् ।

उनीहरूको आफनै घरपनि छैन् । हजुरबुबा मानबहादुर नेपालीको घरमा बस्दै आएका नेपाली दम्पत्तीसँग विहान बेलुकाको छाक टार्न समेत धौ–धौ पर्छ । घरमा आम्दानीको स्रोत तथा बचत रकम नभएका कारण उनीहरू अहिले सहयोग माग्दै अपिल गरीरहेका छन् । स्थानीय चित्ररम्भा आधारभुत विद्यालयका प्रअ रामकुमार छिनालका अनुसार ‘उहाँको सासुआमा सहयोग माग्दै हाम्रो विद्यालयमा आउनुभएको थियो, हामीहरूले सहयोग अभियान मार्फत ६ हजार रूपैँया सहयोग ग¥यौँ।’ छिनालले थप गर्दै भने ‘उनीहरूको परिवार सामान्य वर्गको हो, बस्नलाई आफनै घरपनि छैन् ।’

सुमित्रा बिरामी भएको थाहा पाएपछि पाणिनी गाउँपालिका वडा नं. २ को वडा कार्यालयले सहयोगको अपिलका लागी अनुरोध गर्दै सिफारीसपत्र बनाईदिएको छ । पालिकाबाट कार्यविधीअनुसार २० हजार रूपैँया पाउँने प्रावधान छ, वडाअध्यक्ष चन्द्रकान्त पोडेलले भन्छन् ‘पालिकाबाट सिफारीस गरी प्रदेशमा पठाउँदा १ लाख पाउँने भन्ने छ, अन्य सहयोग अभियान सञ्चालन भएको छ, सबैले सहयोग गर्नुपर्छ । पैसाको अभाव भएपछि सहयोग अभियान सञ्चालन गरेका छन् । सामाजिक सञ्जाल फेसबुकमार्फत सञ्चालन गरेको अभियानमा करिब १ लाख २० हजार रूपैँया संकलन भईसकेको छ ।

समाजमा समस्या पर्दा एकले अर्कालाई सहयोग गर्नुपर्छ भन्ने भावनाले फेसबुक मार्फत अभियान चलाएका छौँ, विरामी त्यसमाथी सुत्केरी हुदाँ थप समस्या आएको छ, अभियानकर्ता भन्छन् । आफु सक्दो सहयोग गर्नका लागी ईसेवा वा सम्पर्क नं. ९८६७७३७८०७ मार्फत सहयोग गर्न अपिल गरेका छन् ।