खोज

बुटवल, १७ माघ । नेपालमा सडक दुर्घटनाबाट मानविय र भौतिक क्षति भयाभव छ । अर्कोतर्फ समाजमा लागुऔषधकै कारण युवाहरु समस्यामा छन । समुदायस्तरमा दुर्घटना न्युनिकरण र लागुऔषधबारे सचेतना जगाउने उदेश्यका साथ बुटवलमा एक दिने सचेतना कार्यक्रम गरिएको छ । रोटरी क्लब अफ बुटवल डाउनटाउनद्धारा आयोजनामा कोरिया नेपाल टेक्निकल ईन्टिच्युट बुटवल–१२, तामनगरमा अध्ययरत विद्यार्थीहरुमाझ कार्यक्रम गरिएको हो ।

कार्यक्रमको उद्घाटन गर्दै जोन २५ का एजी सुनिल श्रेष्ठले युवा विद्यार्थीहरुलाई सचेत बनाउन सके परिवार र समाज सचेत हुने बताए । दैनिक जसो सडक दुर्घटनामा ज्यान गुमाउनेको संख्या ठुलो रहेको तथा देशका कर्णधार मानिएका युवाहरु लागुऔषधमा फसिरहेको अवस्थालाई मध्येनजर गरि क्लबबाट सही विषयमा कार्यक्रम गरिएको बताए ।

कार्यक्रममा क्लबका अध्यक्ष कमला हमालले सडक दुर्घटना हुने कारण र यसको समाधानको खोजी गरेर सचेत गराउने गरि कार्यक्रम गरिएको बताईन । समुदायमा भएका समस्याको पहिचान गर्दै सरोकारवालाहरुसंग सहकार्यमा क्लबबाट वर्षभरि नै धेरै रचनात्मक कामहरु गरेको उनले बताईन ।

कार्यक्रममा सहजिकरण गर्दै इलाका प्रहरी कार्यालय बुटवलका प्रहरी निरिक्षक दिपेन्द्र बानियाले सडक दुर्घटना र लागुऔषध एकअर्कामा जोडिएको विषय भएको बताए । कतिपय लागुऔषधका कारण दुर्घटना हुने उनको तर्क छ । लुम्बिनी प्रदेश दुर्घटनाका दृष्टिकोणबाट अगाडी रहेको भन्दै यसलाई न्युनिकरण गर्न सरोकारवाला निकायहरु सचेत भएर लाग्नुपर्ने बताए । प्रहरीमा लागुऔषधका धेरै मुद्या आउने गरेको भन्दै युवाहरु यसको चपेटामा परिरहेको दुखेसो गरे । खुला सिमा र लागुऔषधको सहज उपलब्धतालाई रोक्ने गरि समुदायस्तरमा सचेतना कार्यक्रमलाई थप जोड दिएर लैजानुपर्ने उनले बताए ।

यसैगरि कार्यक्रममा चौतारी फाउण्डेसनका काउन्सिलर अरुण थापाले लागुऔषध प्रयोगकर्तालाई सुधार गर्न सकिने भन्दै यस विषयमा अभिभावकहरुलाई बुझाउन सके धेरै फाईदा मिल्ने बताए ।

कार्यक्रममा ईन्टिच्युटका निमित्त प्रमुख अजिता शर्मा, क्लबका पूर्व अध्यक्ष जिवन अधिकारी, भरत राना, रबिलाल पोखरेल, सचिव प्रकाशराज पौडेल, सदस्य योगेन्द्र पन्थी, विद्यार्थी पुजन पोखरेलले समुदायमा देखिएको युवा र लागुऔषध दुब्र्यसनीको समस्या बारे प्रकाश पारेका थिए । कार्यक्रममा २ सय बढी विद्यार्थीहरु सहभागी थिए ।