खोज

बुटवल, १६ माघ ।

पर्यटन क्षेत्रमा योगदान दिंदै आएको होटल एबिसीले आफ्नो चौथो वर्ष प्रवेश तथा सहिद दिवसको अवसरमा रक्तदान कार्यक्रम गरेको छ । नेपाल नियमित रक्तदाता संघ केन्द्रीय समितिको सहयोग, नेपाल रेडक्रस सोसाइटी, रक्तसंचार केन्द्र भैरहवाको प्राविधिक सहयोगमा एबिसी हस्पिटालिटी ग्रुप प्रालिले बुटवलमा रक्तदान गरेको हो ।

कार्यक्रममा बुटवल उपमहानगरपालिका वडा नं. ८ का वडा सदस्य सिता खनालले ब्लड ब्याग हस्तान्तरण गरी कार्यक्रम शुभारम्भ गर्दै ब्यावसायिक संघसंस्थाहरु आफ्नो हकहितसंगै सामाजिक कार्यमा महत्वपूर्ण योगदान रहेको बताईन् ।

कार्यक्रममा बुटवल उपमहानगरपालिका वडा नं. ८ का वडा सदस्य सिता खनाल, होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारी, नेपाल नियमित रक्तदाता संघका केन्द्रीय अध्यक्ष दया बहादुर सिलवाल, संघका सचिव थम्मन भण्डारी, कालिका भगवती टोल समितिका अध्यक्ष तिल बहादुर राना, होटल तथा रेष्टुरेन्ट ब्यवसायी संघ रुपन्देही, वडा नं ८ का वार्ड ईन्चार्ज सन्तोष खड्काले रक्तदातालाई प्रमाणपत्र वितरण गरेका थिए ।

ग्रुप अन्तर्गत बुटवलमा एबिसी होटल, ग्रिन भ्याली, एबिसी पार्र्टी प्यालेस, भलबारीमा एबिसी टु गरी चारवटा प्रतिष्ठानहरु संचालनमा रहेको होटलका संचालक नारायण न्यौपानेले बताए ।
होटलमा तारा पाण्डे, नारायण न्यौपाने, कमल भुषाल र राजन भट्टराई गरी चार जना युवा ब्यवसायीहरुले ८ करोड रुपैयाँ लगानी गरेका छन् ।

होटल प्रबन्धक तारा पाण्डेले पर्यटन सेवा उद्योगबाट राम्रो प्रगति भएको भन्दै निकट भविष्यमा शाखा खोल्ने तयारीमा रहेको बताए । कार्यक्रममा होटल तथा रेष्टुरेन्ट ब्यवसायी संघ रुपन्देहीका अध्यक्ष लेखनाथ भण्डारीले सानो लगानीबाट होटल ब्यवसाय शुरु गरेर चार वर्षमा ४ वटा प्रतिष्ठानहरु खोल्न सफल भएको बताए । देशमै अहिले आर्थिक पिडाको बिचमा पनि पर्यटन क्षेत्रमा लागेर युवाहरु सफल भएर समाजलाई नमुना दिन सफल भएको उनले बताए ।

कार्यक्रममा नेपाल नियमित रक्तदाता संघका केन्द्रीय अध्यक्ष दया बहादुर सिलवालले रगत अभावमा रहेका बिरामीलाइ सहज रगत उपलब्ध गराउने उदेश्यसहित संस्थागत रुपमा काम गर्दै आएको बताए । एक घर एक रक्तदाता नारासहित आफुहरु समाजमा अभियानलाई अगाडि बढाएको उनले बताए । कार्यक्रममा संघमा द्वितीय उपाध्यक्ष प्रेम भट्टराईले रक्तदान सबैभन्दा पुण्यको काम भएको भन्दै मंगलबार ४४ युनिट रगत संकलन भएको बताए ।