खोज

बुटवल, १४ माघ । रुपन्देहीका युवाहरुले नीतिगत रुपमा उद्यमशिलतामा जोड्ने गरि सरकारको पहल आजको आवश्यकता भएको बताएका छन । युवा पलायनको डरलाग्दो तथ्याक बाहिरीरहेको बेला स्वदेशमै युवाहरुलाई उद्यममा जोडिने गरि सरल नीति र योजना ल्याउन युवाहरुले सरकारसंग आग्रह गरे । युवा उद्यमी मन्च रुपन्देहीको आयोजनामा ‘तेस्रो युवा उद्यमी सम्मेलन–२०२४’ सम्मेलनमा बोल्ने बक्ताहरुले देशभित्र युवाहरुलाई काम गर्ने वातावरण बनाउनुपर्ने बताए ।

कार्यक्रममा ज्योति ग्रुपका निर्देशक सौरभ ज्योति, प्रमुख वक्ता निमबुस समुहका एमडी आनन्द बगारियाले वर्तमान आर्थिक अवस्था, युवा र सम्भावनाका विषयमा प्रकाश पारेका थिए ।

नेपाली युवा उद्यमी मन्च रुपन्देहीका सस्थापक अध्यक्ष आनन्द वझा, एनएमबी बैंक लिमिटेडका एमएसएमई र एसएमई प्रमुख उत्सव घिमिरे, श्रम, रोजगार तथा सामाजिक सुरक्षा मन्त्रालयका सचिव केवल प्रसाद भण्डारी, एकादेसमा कम्पनीका सह–संस्थापक तथा सीईओ अनुजा राजभण्डारीले युवासंग उद्यमशिलता जोड्ने विषयमा प्यानल छलफलमा भाग लिएका थिए जसको मध्यस्थकर्ताका रुपमा पत्रकार रुपेश श्रेष्ठ रहेका थिए ।

कार्यक्रममा पूर्व मिस नेपाल तथा माकुसे ब्रान्डका प्रमुख कार्यकारी अधिकृत अनुष्का श्रेष्ठ, दराज नेपालका बजार प्रमुख प्रशान्त बुर्लाकोटी, उद्यमशीलता यात्रा ओहो केक काठमाडौंका प्रमुख सन्तोष पाण्डे, हाइलाइफ फूड र पहाडी फूडका संचालक प्रशान्त घिमिरे, इभी पावर इनर्जी एण्ड फर्टिलाइजर प्रा लि का संचालक अभिरथ अग्रवाल काठमाडौं किंग्स कलेज का डिजिटल रणनीति प्रमुख आलोक खत्रीले उद्यमी प्रेरणादायक कथा सुनाएका थिए ।

कार्यक्रममा उद्योग बाणिज्य महासंघका केन्द्रीय सदस्य उज्जवल कसजु, बुटवल उद्योग बाणिज्य संघका अध्यक्ष हरि प्रसाद अर्याल, सिद्धार्थ उद्योग बाणिज्य संघका अध्यक्ष ठाकुर प्रसाद श्रेष्ठ, युवा उद्यमी मञ्चका केन्द्रीय अध्यक्ष साहारा जोशीले युवाहरु सकारात्मक सोचबाट अघि बढ्नुपर्ने बताए । सम्मेलनमा रुपन्देही र अन्य विभिन्न स्थानमा १४ वटा स्टलमा आफनो उत्पादनलाई प्रस्तुत गरेको रुपन्देहीका अध्यक्ष सन्देश श्रेष्ठले बताए ।