खोज

बुटवल, १० माघ ।

नेपाल राष्ट्र बैक सिद्धार्थनगरका प्रमुख सत्येन्द्रराज सुवेदीले बैक तथा वित्तिय संस्थाहरुमा बिना धितो ऋण पाउने ब्यवस्था लामो समयदेखि कार्यान्वयनमा रहेको बताएका छन् । धितो हँुदैमा क्रृण पाईने भन्ने सोचलाई चिर्दै धितो नहुनेले पनि क्रृण पाउनुपर्छ भन्ने ब्यवस्था नेपाल राष्ट्र बैकले सुनिश्चित गरेको उनले प्रष्ट पारे ।

‘प्रोजेक्ट बेस फाईनान्सिङको लागि स्थिर ब्याजदरमा पनि कर्जा प्रवाह गर्ने ब्यवस्था ५÷७ वर्षदेखि कार्यान्वनमा आएको छ’— उनले भने । यो विषयमा ऋणीहरुलाई पनि ज्ञान नभएको बैक वित्तिय संस्थाहरुले पनि प्रवद्र्धनमा जोड नदिएको भन्दै यो विषयमा कर्मचारीहरुलाई निर्देशन दिए ।

राष्ट्रिय वाणिज्य बैक लिमिटेडको ५९ औ वार्षिकोत्सवको अवसरमा लुम्बिनी प्रादेशिक कार्यालयले आयोजना गरेको कार्यक्रममा उनले फिक्स ब्याजदरमा प्रोजेक्ट बेस कर्जाको ब्यवस्था हँुदा यसको लाभ लिन समेत आम ग्राहक वर्गलाई आग्रह गरे । बैक तथा बित्तिय संस्थामार्फत दिगो आर्थिक वृद्धिका लागि आवश्यक पर्ने साधन श्रोत राष्ट्रिय वाणिज्य बैकबाट आवश्यक भुमिका खेल्ने उनले बताए ।

‘बैकका धेरै स्टेक होल्डरहरु धेरै छन’—उनले भने । लगानीकर्ता, ऋणी, निक्षेपकर्ता, संचालक, नेपाल राष्ट्र बैक, नेपाल सरकार सबै स्टेक होल्डरहरुको अपेक्षा पुरा गर्न सक्ने गरी क्षमता अभिवृद्धि गर्दै सबैलाई सन्तुलित तरिकाले काम गर्न सक्ने गरी काम गर्ने उनले बताए । ‘ब्याजदर नेपाल राष्ट्र बैकले तोक्न सक्दैन, तोक्न मिल्दैन’—उनले भने । नेपाल राष्ट्रबैकको आफ्नै टुलको सिमाभित्र बसेर ब्याजदर स्थिर गराउने काम गर्दै आएको उनले बताए । जबजब तरलतामा सहज आएपछि ब्याजदर तल्लो रेखामा रहने उनले बताए । पुराना र नयाँ कर्मचारीमा क्षमता अभिवृद्धि गरी प्रोत्साहनका कार्यक्रमलाई बैकबाट जोड दिएको उनले बताए ।

वार्षिकोत्सवको अवसरमा शुक्रबार बुटवलमा रक्तदान, सरसफाई, आँखा शिविर, खेलकुद कार्यक्रम तथा आइतबार प्रभातफेरी कार्यक्रम लगायत रचनात्मक कार्यक्रम गरी मनाईएको कार्यालय प्रमुख गणेश पौडेलले बताए । बैक स्थापना दिवसको अवसरमा शाखा कार्यालय बुटवल, राजमार्ग चौराहा र कोटीहवाका गरी २० जना निक्षेप तथा कर्जाका ग्राहकहरुलाई सम्मान गरिएको थियो ।

कार्यक्रममा पुर्व कर्मचारी संघ बुटवलका अध्यक्ष गोविन्द खनाल, बुटवल शाखाबाट अवकाश प्राप्त शाखा प्रबन्धक शंकर पहारी, बुटवल उद्योग वाणिज्य संघ रुपन्देहीका उपाध्यक्ष बिमलराज भट्टराई, न्यु होराईजन इगलिस बोर्डिङ स्कुलका प्राचार्य लोकनाथ उपाध्याय, उद्योग वाणिज्य महासंघका केन्द्रीय सदस्य उज्जवल प्रसाद कसजूले समग्र देशमा आर्थिक समस्या आएको बेला सरकारबाट ब्यवसायीहरुको हकहितमा लाग्न सुझाव दिए ।

प्रदेश कार्यालय अन्तरगत १२ जिल्लामा ३८ शाखाहरुमार्फत बैकले सेवा दिदै आएको छ । प्रदेश कार्यालयमा १० जना सहित शाखा कार्यालयहरुमा ३ सय स्थाई कर्मचारी कार्यरत छन् ।