खोज

बुटवल, ९ माघ । रुपन्देहीमा सम्पन्न जिल्लास्तरीय अन्तर विद्यालय भलिबल प्रतियोगिताको छात्रतर्फ मणिमुकुन्द र छात्रातर्फ न्यु होराईजनले उपाधि चुमेको छ । उच्च शिक्षालय तथा माध्यामिक विद्यालय संघ नेपाल (हिसान), रुपन्देहीको आयोजनामा सिद्धार्थ बोर्डिङ स्कुल खेल मैदानमा भएको छात्र भलिबल प्रतियोगिताको फाईनलमा न्यु होराईजन बोर्डिङ स्कुललाई २–१ को सेटले पराजित गर्दै मणिमुकुन्दले उपाधि हात पारेको हो । उपाधिसंग मणिमुकुन्दले नगद १५ हजार रुपैया, कप, मेडल, प्रमाणपत्रबाट पुरस्कृत भयो । उपविजेता न्यु होराईजन भने १० हजार, कप, मेडल, प्रमाणपत्रमा चित्त बुझायो । प्रतियोगितामा सेन्ट जोसेफ तेस्रो हुदै नगद ५ हजार, कपबाट पुरस्कृत भएको छ । प्रतियोगितामा मणिमुकुन्दका राज खवास बेष्ट डिफेन्स, यमन थापा बेष्ट सेटर, नबिन भण्डारी बेष्ट ब्लकर, होराईजनका रोहित केसी बेष्ट सर्भर, बेष्ट स्पाईक होराईजनका सागर रसाईली तथा मणिमुकुन्दका दिपेन्द्र रायमाझी बेष्ट प्लेयरबाट पुरस्कृत भए ।

यसैगरि छात्रा भलिबल प्रतियोगिताको उपाधि भने न्यु होराईजन माबिले हात पारेको छ । मंगलबार भएको फाईनल खेलमा एभरेस्ट बोर्डिङ स्कुललाई २–० को सोझो सेटमा पराजित गर्दै न्यु होराईजनले उपाधि हात पारेको हो । उपाधिसंगै होराईजन नगद १५ हजार, कप, मेडल, प्रमाणपत्रबाट पुरस्कृत भयो । उपविजेता एभरेष्ट नगद १० हजार, कप, मेडल, प्रमाणपत्रमा चित्त बुझायो । प्रतियोगितामा कुवरवर्ती माबि तेस्रो हुँदै नगद ५ हजार, कप, प्रमाणपत्रबाट पुरस्कृत भयो । प्रतियोगितामा कुवरवर्तिकी दिपा आले बेष्ट डिफेन्स, होराईजनकी उषा रजाईली बेष्ट सेटर, एभरेष्टकी अनुसा चौधरी बेष्ट स्पाईकर, होराईजनकी एलिया चौधरी बेष्ट सर्भर, कुवरवर्तीकी रिचा थापा बेष्ट ब्लकर र होराईजनका बेष्ट प्लेयर संचिता चौधरी भईन ।

एक समारोहका बिच हिसान केन्द्रीय उपाध्यक्ष लोकनाथ उपाध्याय, पुर्व जिशिअ टेक बहादुर थापा, अभिभावक संघ रुपन्देहीका अध्यक्ष लोकनाथ ज्ञवाली, हिसानका सल्लाहकार टुक बहादुर क्षेत्री, हिसानका जिल्ला अध्यक्ष दिनेश भुषाल, सचिव बाबुराम बन्जाडेले विजेता, उपविजेता टिम तथा खेलाडीहरुलाई पुरस्कार वितरण गरेका छन । प्रतियोगितामा छात्रतर्फ १४ र छात्रातर्फ ९ टिमले प्रतिस्प्रर्धा गरेका थिए ।

भिडियो सामग्री