खोज

गैंडहवा, ७ माघ ।

रूपन्देहीको गैंडहवा गाउँपालिका वाड नं. ९ मा अवस्थित श्री महेन्द्रनगर माध्यमिक विद्यालयको ४१ औँ वार्षिकोत्सव तथा अभिभावक भेला सम्पन्न भएको छ ।

२०३९ सालमा स्थापना भएको उक्त विद्यालयमा हाल ५६२ जना छात्रछात्रा रहेको विद्यालय व्यवस्थापन समितिका अध्यक्ष कृष्ण थापाले जानकारी दिए । कार्यक्रमको उदघाटन गैंडहवा गाउँपालिका अध्यक्ष सुरेन्द्र पौडेलले गरेका थिए ।

कार्यक्रममा बोल्दै पौडेलले यस विद्यालयमा पालिकाले शिक्षाको लागि विशेष बजेट दिएको बताउँदै विद्यालयले पहिलेको तुलनामा सुधार गरेकोमा धन्यवाद दिएका थिए ।

कार्यक्रममा गाउँपालिका उपाध्यक्ष माधुरी जैसवाल, प्रमूख प्रशासकीय अधिकृत कृष्ण पन्थी, वडा नं ९ का वडाअध्यक्ष मिना क्षेत्री, शिक्षा शाखा प्रमुख माधव राज पौडेल तथा विभिन्न राजनीतिक दलका प्रतिनिधिले मन्तव्य व्यक्त गरेका थिए ।

विद्यालयको प्रतिवेदन अनुसार आगामी योजनामा विद्यालयमा सिर्जनात्मक र प्राविधिक शिक्षा महेन्द्रनगर माध्यमिक विद्यालयको प्रतिबद्धतां भन्ने नारालाई सफल पार्ने गरी शैक्षिक सत्र २०८० मा विभिन्न कार्यहरु गरिने छ ।

विद्यालयमा १० मिनेट अगाडि जनाउ घण्टी लगाउने, विद्यालयको समायवधि १० देखि ४ लाई उचित तथा व्यवस्थित रुपमा सदुपयोग गर्ने, कक्षा पिरियडमा जाने र निस्कने समय बोर्डमा लेख्नुपर्ने, विद्यार्थीहरुको नियमित उपस्थितिमा विशेष जोड दिने र त्यसका लागि कक्षाको वातावरण बालमैत्री र रमाईलो बनाउने, विद्यार्थीहरुको सिर्जनालाई प्रोत्साहन गर्ने, अभिभावकहरुसँग नियमित अन्तत्र्रिmया गर्ने, कक्षा शिक्षकलाई कक्षा व्यवस्थापन सम्बन्धमा सम्पूर्ण जिम्मा लगाईने, कक्षा अनुशासन व्यवस्थापन लगायतका कार्य गरिने प्रतिवेदनमा उल्लेख छ ।

विद्यालयका प्रधानाध्यपक बासुदेव भट्टराईले विद्यालयको प्रतिवेदन प्रस्तुत गरेको कार्यक्रममा विद्यालयकी शिक्षिका तेज कुमारी बगाले श्रेष्ठले पनि बोलेका थिए ।