खोज

बुटवल, ७ माघ  । संविधानबाट प्राप्त अधिकारको अलमल हुदा विद्यालय तहको शिक्षा धरापमा पर्दै गएको लुम्बिनी प्रदेशका सभामुख तुलाराम घर्तीले टिप्पणी गरेका छन् । बुटवल उपमहानगरपालिका, वडा नं. ११ स्थित प्रगति माध्यमिक विद्यालयको रजत महोत्सव कार्यक्रममा आईतबार बोल्दै उनले मावि तहसम्मको अधिकार स्थानीय तहको भएपनि शिक्षकहरूको दरबन्दीको अधिकार केन्द्र सरकारमा रहँदा विद्यालय तहको शिक्षा अलमलमा परेको बताए ।

नेपालको संविधानबाट माध्यमिक तहसम्मको शिक्षा अधिकार हेर्ने जिम्मेवारी दिएको स्थानीय सरकारबाट नै बढी भार भएको गुनासो आएको उनले दुखेसो गरे । स्थानीय तहको सीमिति श्रोत र साधन हुँदा चाहेर पनि विद्यालयलाई सहयोग गर्न नसक्ने अवस्थामा रहेको सभामुख घर्तीले बताउँदै प्रदेश सरकारले नपाउने र केन्द्र सरकारले चासो नदिँदा विद्यालय शिक्षा धरापमा परेको टिप्पणी गरे ।

यस्तै प्रदेश सभाका सदस्य जमुना ढकालले बुटवल वडा नं. ११ सबै भन्दा बढि मतदाता भएको वडा भएपनि शिक्षा र विकासले पछाडी परेको गुनाशो पोखे । प्रगती माविमा देखिएको समस्या सामाधानको लागि प्रदेश सकारको तर्फबाट सहयोग गर्ने उनले बताए  ।

प्रगति माध्यमिक विद्यालयका अध्यक्ष जित बहादुर मल्लले विद्यालय २५ वर्ष प्रवेशको अवसरमा सप्ताहब्यापी कार्यक्रमको आयोजना गर्दै रजत महोत्सव संचालन गरिएको जानकारी दिए ।