खोज

बुटवल, ३ माघ । अर्घाखाँची जिल्लाको सितगंगा नगरपालिका वडा नम्बर ७ डमारबेसीमा रहेको सितखोलामा अहिले झोलुङ्गे पुल निर्माणाधीन रहेको छ । ‘सित खोलामा’ निर्माणाधीन रहेको पुल जिल्लाको पूर्वाधकार विकास कार्यालय अर्घाखाँचीबाट ठेक्का सम्झौता भई सुनसरी को आस्था निर्माण सेवाले काम गरिरहेको छ ।

कुल १ सय ३४.२ मिटर लामो यो पुल को सम्झौता २०८० बैशाख ३ मा भएको हो । २०८१ बैशाख २ गते सक्ने गरी ठेक्का सम्झौता गरेको निर्माण सेवा कम्पनीको विषयमा सम्बन्धीत पूर्वाधार विकास कार्यालय अर्घाखाँची बाट नियमित रूपमा यसको निरिक्षण हुनुपर्ने हो । कामको प्रगतिको विषयमा पनि कार्यालयले नियमित रूपमा जाँच गरी प्रयोग गरिएका मेटिरियलको विषयमा समेत जाँच हुनुपर्ने भएपनि कार्यालयको नियमित ‘सुपरभिजन’ नहुँदा काम गुणस्तरहित हुने आंशका स्थानीयले गरेका छन् । सडक पुर्वाधार शिर्षककमा कुल १ करोड ५८ हजार ३ सय ३२.२४ रूपैयाँ लागतमा सम्झौता भएको यो पुलको निर्माणको लागि कमसल प्रकृतिको निर्माण सामग्री प्रयोग गरिएको स्थानीयहरूले बताएका छन् ।

बाहिरबाट राम्रो ड्रेसिङ ढुङ्गा सहितको कार्य देखाए पनि भित्रबाट कमसल मसला र माटो ढुङ्गा,गोल्टे ढुङ्गा राखेको स्थानीयहरूको गुसानो छ ।
स्थानीय वडा नम्बर ७ का वडा अध्यक्ष देवीराम घिमिरेले ठेक्का सम्झौता भएपछि एक पटक पनि ईन्जीनियर लगायतका प्राविधिक सुपरभिजनको लागि नआएको बताए । उनले बुटवल टुडे संगको कुराकानीमा अहिले भैरहेको कामको विषयमा आफूलाई चित्त नबुुझेको भन्दै यो विषयमा पटक–पटक पूर्वाधार कार्यालयका ईन्जीनीयरलाई फोन गर्दा पनि खासै वास्ता नगरेको बताए ।

उनले भने–‘हाम्रो वडामा बन्न लागेको पुर्वाधार राम्रो हो, तर यसको विषयमा गुाण्स्तरियातको लागि कार्यालयले पटक पटक अनुगमन, निरिक्षण, परिक्षण गर्न आवश्यक छ, यो पट्क्कै भएको छैन, हामी यसमा गुनासो गरेका छौ तर सुनुवाई भएको छैन ।’
आफू वडा अध्यक्षको नाताले कहिलेकाही फिल्डमा गएको बेला निर्माणाधीन पुल हेर्ने गरेको तर यो विषयमा आफू जाँदा मसलको प्रयोग, गिट्टी ढुंगा लगायतको प्रयोग को विषयमा चित्त नबुझ्ने गरी काम भएको पाइएको वडा अध्यक्ष घिमिरेले बुटवल टुडे लाई बताए । ‘हामी सधै जाँन पनि सकिदैन, तर यो विषयमा कार्यालयबाट कुनै पनि अनुगमन भएको पाइएको छैन, करोडको पुल निर्माण हुँदा कामदारको भरमा छाडीएको छ, जुन गलत हो ।’

पुल निर्माणको विषयमा अन्य स्थानीयले समेत पटक पटक गुनासो गरेको अध्यक्ष घिमिरेको भनाई रहेको छ । यता, प्रदेशको भौतिक पुर्वाधार विकास मन्त्रालय, यातायात पुर्वाधार निर्देशनालय अन्र्तगतको पूर्वाधार विकास कार्यालय अर्घाखाँचीका प्रमुख विनोद कुमार चौधरीले पुल निर्माणको विषयमा आफु कार्यालयबाट हिडिसकेकोले जानकारी नभएको बताए । कार्यालयले गर्नुपर्ने सुपर भिजन, गुणस्तरियताको विषयमा उठेको प्रश्नको विषयमा उनले बुटवल टुडे संगको कुराकानीमा भने–‘खै हजुर मलाई थाहा भएन, उतै वडा तिर सोध्नुहोला ।’ कार्यालय प्रमुख चौधरी पुर्वाधार कार्यालय अर्घाखाँचीबाट केही दिन पहिला सरुवा लिएको बताएका छन् ।