Butwal Today

माओवादी केन्द्रको विधान सम्मेलन फागुनको पहिलो हप्ता

न्युज बुटवलटुडे
२८ पुष २०८०, शनिबार
अ
अ+
अ-

बुटवल,२८ पुस । नेकपा माओवादी केन्द्रको विधान सम्मेलन फागुनको पहिलो हप्ता हुने भएको छ। शनिवार पार्टी मुख्यालय पेरिसडाँडामा बसेको पार्टी स्थायी कमिटी बैठकले सो सम्मेलन फागुन १, २ र ३ गते गर्ने औपचारिक निर्णय गरेको हो।

त्यसैगरी बैठकले सो सम्मेलनमा सहभागी हुने प्रतिनिधिहरूको मापदण्ड पनि तय गरेको पार्टीका प्रवक्ता अग्निप्रसाद सापकोटाले जानकारी दिए।

बैठकले राष्ट्रिय सभा निर्वाचनको तयारीको लागि पार्टीको तर्फबाट पनि समन्वय समिति बनाएको छ। पार्टी प्रवक्ता सापकोटाकाअनुसार माओवादी केन्द्रले पार्टी अध्यक्ष पुष्पकमल दाहालको नेतृत्वमा पार्टी एकता संयोजन समिति बनाउने निर्णय पनि गरेको छ।

त्यसैगरी पार्टी स्थायी कमिटीको अर्को बैठक माघ २६ गते बोलाउने निर्णय पनि बैठकले गरेको छ। माओवादी केन्द्रले पार्टीको हालै सम्पन्न पार्टीको विशेष रूपान्तरण अभियानले पार्टीका नेता, कार्यकर्ताको मूल्यांकनको वस्तुवादी आधार तयार पारेको प्रारम्भिक विश्लेषण गर्दै त्यसको विस्तृत छलफल आगामी माघ २६ गते बोलाइएको स्थायी कमिटी बैठकमा गर्ने निर्णय पनि गरेको जनाएको छ।

सम्बन्धित खबर

गृहमन्त्री अर्याल र अमेरिकी कार्यवाहक राजदूत अर्बमबिच शिष्टाचार भेटवार्ता

ओलीसँग सार्वजनिक बहसमा बालेनद्वारा अस्वीकार

साँझ ५ बजेसम्म राष्ट्रिय सभाको एकमुष्ट नतिजा सार्वजनिक हुन्छ : रामप्रसाद भण्डारी

प्रेस चौतारी नेपाल कपिलवस्तुको जिल्ला बैठक सम्पन्न

रिटर्नीहरुबाट देशले लाभ लिने वातावरण बनाउँछु : विश्वदीप

हरिबोल गजुरेलसहित ७ नेता नेकपाबाट निष्कासित

प्रतिनिधि सभाको प्रत्यक्षमा महिला उम्मेदवार: आधा मतदाता, छैन अवसर

राष्ट्रियसभा सदस्य निर्वाचनका लागि सबै तयारी पूरा : निर्वाचन आयोग