खोज

बुटवल, २५ पुस । लायन्स क्लब अफ सयपत्रीले साधना विद्यालय बुटवलका महिला विद्यार्थीहरूलाई न्यानो कपडा वितरण गरेको छ । १४५ आंैं मेलभिन जोन्स डे को अवसरमा सप्ताहव्यापी कार्यक्रम अन्तर्गत अभिभावकविहीन, असाह्य महिला तथा बालबालिका लक्षित गरी न्यानो कपडा वितरण गरिएको कार्यक्रमका संयोजक कमला कुँवरले बताईन । सामाजिक जागरणका लागि नारी अभियान, जहाँ दुःख, जहाँं गाह्रो साह्रो त्यहां लायन्स भन्ने उद्देश्यका साथ आयोजना भएको कार्यक्रममा २५ जना विद्यार्थीहरूलाई करिब १७ हजार बराबरको सुइटर लगायतका सामाग्री हस्तान्तरण गरिएको संयोजक कुँवरले जानकारी गराईन ।

पाका महिला तथा अभिभावक विहिन, असाहय विद्यार्थीहरू मात्र अध्ययनरत साधाना महिला विद्यालयमा आयोजना गरीएको जिएसटी कोर्डिनेटर राधिका भुसाल, क्लवका अध्यक्ष सृजना श्रेष्ठ, अतिथिहरू रिजन चियर पर्सन विमला गैरे, साधना महिला विद्यालयका संचालक खिम बहादुर सावत, प्रिन्सिपल विष्णु गौतम, मिना सावत लगायतले विद्यार्थीहरूलाई सुइटर तथा सामाग्रि वितरण गरी कार्यक्रमको उद्घाटन गरेका थिए ।

राधिका भूषालले लायन्स क्लव आफ सयपत्रीले सरकारले गर्नुपर्ने काम गरेकोमा प्रशंसा गर्दै लक्षित विद्यार्थीहरूलाई राहत वितरण गरकोमा आभार व्यक्त गरीन् । उनले सेवा नै सवैभन्दा ठुलो धर्म भएकाले सबैजना सत्कर्ममा जुट्नुपर्ने आवश्यकता आंैल्याइन ।
त्यस्तै क्लबका अध्यक्ष सृजना श्रेष्ठले लायन्स क्लब अफ सयपत्रीले स्थापना कालदेखी नै सेवामुखी र जागरण जगारउने कार्य गर्दै आएको, क्लवका सदस्यहरूको साथ र सहयोगले यस्ता अभियान सञ्चालनमा सहज भएको बताईन ।

कार्यक्रममा क्लवका सदस्यहरूको तर्फबाट सहयोग जुटाई लक्षित वर्गलाई आफ्नै हातले सेवा गर्न पाएकोमा सहभागिहरूले खुसी व्यक्त गर्दै आगामी दिनमा समेत सहकार्य गर्ने प्रतिवद्धता जाहेर गरे । कार्यक्रमका साधाना महिला विद्यालयका प्रिन्सिपल बिष्णु गौतमले विद्यार्थीह्रुलाई अत्यावश्यक रहेको सामाग्री हस्तान्तरण गरेकोमा खुसी व्यक्त गरे ।