खोज

बुटवल,२५ पुस । सवारी चालक अनुमति पत्र वितरणमा अनियमितता र लापरबाही भएको भन्दै नमस्ते नेपालले यातायात व्यवस्था कार्यालयमा ध्यानाकर्षण पत्र बुझाएको छ । केन्द्रीय समितिको टोलिले रुपन्देहीको बुटवलस्थित यातायात व्यवस्था कार्यालयमा ध्यानाकर्षण पत्र बुझाएका हुन् । यातायात कार्यालयमा बिचौलियामार्फत हुने सास्ती अन्त्य गर्न, समयमै सवारी चालक अनुमति पत्र दिने व्यवस्था गर्न र अनुमत्री पत्र नवीकरणमा हुने गरेको ढिलासुस्ती अन्त्य गर्न माग राखेर ध्यानाकर्षण पत्र संस्थाका सचिव सन्दिप पौडेलले वाचन गरेर बुझाएका थिए । साथै अनुमति पत्र वितरणमा अनियमितता भएको, लापरबाही र ढिलासुस्तीका कारण सेवाग्राही मर्कामा परेको भन्दै उनीहरुले कार्यालयमै पुगेर निमित्त कार्यबाहक प्रमुख मोहन पौडेललाइ ध्यानाकर्षण पत्र बुझाएको संस्थाका संस्थापक एवं संरक्षक अर्जुन खरेलले बताए ।

संस्थाका अध्यक्ष मनिष भुषालले ड्राइभिङ लाइसेन्स वितरणमा अनियमितता रोक्न पांच वर्ष अगाडि पनि मन्त्रालयमा ध्यानाकर्षण पत्र बुझाएको तर बेवास्ता गर्दा त्यसपछि झन अनियमिता बढेको र हजारौं नक्कली लाइसेन्स बनाएर बेचेको तथ्य बाहिर आएकाले आइन्दा तयश्रस्तो नगर्न माग गरिएको बताए ।
संस्थाका केन्द्रीय सदस मधुसुदन नेपालले यातायात कार्यालयले बनाउने स्मार्ट लाइसेन्स गुणस्तरहीन भएको र बिचौलिया तेस्रो व्यक्तिबाट रकम असुली भइरहेकाले यस्ता गैरकानुनी र अनियमितता रोकिनुपर्ने बताए । संस्थाका उपाध्यक्ष सुशिल सुवेदीले अनियमितता अब नरोकिएमा प्रमाण जुटाएर दोषीमाथि कानूनी कारवाहीको पहल गरिने बताए ।