खोज

बुटवल, २२ पुस ।

लियो जिल्ला परिषद ३२५ पी नेपाल अन्तर्गतको एरिया सिद्धबाबाको आयोजनामा गुल्मी जिल्लाको सत्यवती गाउँपालिका – १, अस्लेवा राममबारीमा रहेको श्री राममबारी आधारभूत विद्यालयमा अध्यनरत विद्यार्थीहरुलाई न्यानो कपडा, शैक्षिक सामग्री र खेलकुद सामग्री वितरण गरिएको छ । सोही अवसरमा त्यस क्षेत्रका बासिन्दाहरूको स्वास्थ्य परीक्षण शिविर समेत सम्पन्न भएको छ ।

विद्यालयमा अध्ययनरत सम्पूर्ण विद्यार्थीलाई न्यानो कपडा, विभिन्न शैक्षिक सामाग्री र खेलकुद सामाग्री वितरण गरिनुका साथै १०० जना भन्दा बढीको स्वाथ्य परीक्षण र परामर्श समेत दिइएको थियो ।

एरिया चिफ लियो केशव पाण्डेको अध्यक्षता रहेको कार्यक्रमको उदघाटन सत्यवती गाउँपालिका वडा नं १ का वडा अध्यक्ष अर्जुन कनौजेले गरेका थिए । कार्यक्रममा लियो जिल्ला परिषद ३२५ पी नेपालका जिल्ला सचिव श्रीधर बस्याल, लियो जिल्ला पसिषद ३२५ पी नेपालका वरिष्ठ अध्यक्ष सल्लाकार यमलाल पाण्डे, लियो क्लब अफ बुटवल मणिमुकुन्द युथका अध्यक्ष एवम् स्वास्थ्य शिविरका संयोजक काशीराम रेग्मी, सदस्य राहुल कोहार, लियो क्लब अफ बुटवल गोल्डेन जुब्लीका अध्यक्ष जीवन थापा, विद्यालय व्यवस्थापन समितिका अध्यक्ष भुवन पाण्डे, विद्यालयका प्रधानाध्याक राम प्रसाद पाण्डे लगायतले रचनात्मक कार्यक्रम गरेको भन्दै प्रशंसा गरेका थिए ।

कार्यक्रममा बोल्दै उनीहरुले बुटवलमा कार्यक्षेत्र रहेर पनि आफू जन्मेको गाउँमा यसरी कार्यक्रमको आयोजना गरेकोमा खुसी व्यक्त गर्दै उक्त सामाजिक कार्यलाई निरन्तरता दिन समेत आग्रह गरेका थिए ।

त्यसैगरी कार्यक्रममा बोल्दै एरिया चिफ केशव पाण्डे र एरिया डेपुटी चिफ हिमाल खनालले आफू जन्मेको ठाउँमा लियोको माध्यमबाट यसरी कार्यक्रम गर्न पाउँदा गर्व महशुस भएको बताउँदै कार्यक्रम सफल पार्नको लागि सहयोग पुर्याउने सबैलाई धन्यवाद दिएका थिए । त्यसैगरी स्वास्थ्य शिविर संयोजक काशीराम रेग्मीले यसरी कार्यक्रमको आयोजना गरी सफलतापूर्वक सम्पन्न गर्न पाएकोमा खुसी व्यक्त गरेका थिए ।