खोज

बर्दघाट, २२ पुस। बर्दघाट उद्योग वाणिज्य सँघको छैटौँ साधारण सभा एवं तेश्रो अधिवेशनबाट लेखनाथ न्यौपानेको प्यानल नै विजयी भएको छ । आइतबार घोषित नतिजा अनुसार अध्यक्षमा लेखनाथ न्यौपानेले ७ सय ७० मत प्राप्त गर्दै विजयी भए उनका निकटतम प्रतिद्धन्द्धि दिनेश न्यौपानेले ४ सय ६२ मत प्राप्त गरे ।

अध्यक्षका प्रत्यासी लेखनाथ अघिल्लो कार्यकालका समेत अध्यक्ष हुन भने दिनेश महासचिव हुन । अध्यक्ष पदमा त्रिपक्षिय भिडन्त भएको थियो । लेखनाथलाइ एमाले र रास्वपाको समर्थन रहेको थियो भने दिनेशलाई सत्ता गठवन्धनको समर्थन रहेको थियो । अर्का अध्यक्ष राजु पाण्डेले स्वतन्त्र उम्मेदवारी दिएका थिए । उनले २ सय ७ मत प्राप्त गरे, पाण्डे यसअघिको कार्यसमितिका वरिष्ठ उपाध्यक्ष समेत हुन ।यस्तै वरिष्ठ उपाध्यक्षमा तारा गौतम विजयी भए उनले ७ सय ८७ मत प्राप्त गरे, उनका प्रतिद्धन्द्धि हरि प्रसाद अधिकारीले ५ सय १७ मत प्राप्त गरे । वाणिज्य उपाध्यक्षमा चन्द्र बहादुर दमाइ ६ सय १५ मत प्राप्त गर्दै विजयी भए । निकटतम प्रतिद्धन्द्धि स्वतन्त्र उम्मेदवार नवराज अधिकारीले ४ सय ३८ मत प्राप्त गर्दा दिनेश न्यौपाने प्यानलका धनन्जय पौडेलले ३ सय १४ मत प्राप्त गरे ।

उद्योग उपाध्यक्षमा टेक बहादुर बुढाथोकिले ७ सय ५८ मत ल्याउँदै विजयी भए उनका निकटतम प्रतिद्धन्द्धि भरत कण्डेलले ५ सय १८ मत प्राप्त गरे । त्रिपक्षिय भिडन्त भएको महासचिव पदमा गंगा पाठक ५ सय ९० मत ल्याउँदै विजयी भए । दिनेश न्यौपाने प्यानलका मोहन सापकोटाले ४ सय ८ मत पाँउदा स्वतन्त्र उम्मेदवार विष्णु पराजुलीले ३ सय ७० मत पाएका थिए । सचिवमा डिल्लिराज कण्डेलले ७ सय ८१ मत ल्याउँदै विजयी हुँदा अर्का प्रत्यासी युवराज पाण्डेले ५ सय २४ मत ल्याएका थिए । कोषाध्यक्षमा जित बहादुर थारु ७ सय २६ मत ल्याउँदै विजयी भए । कोषाध्यक्षका प्रत्यासी भरत प्रसाद शर्माले ५ सय ८४ मत ल्याएका थिए ।

महिला आरक्षित सह कोषाध्यक्ष पदमा लेखनाथ प्यानलकी पार्वती भुसाल ७ सय २१ मत ल्याउँदै विजयी भइन । निकटतम प्रतिद्वन्द्वी सुमित्रा दमैले ४ सय १६ मत ल्याउँदा स्वतन्त्र उम्मेदवार जमुना देवि वि.क. ले १ सय ७५ मत ल्याइन । सदस्यहरूमा लेखनाथ प्यानलका घनश्याम पाध्या आचार्य (गणेश), खुमानन्द बश्याल (खुमन) प्रकाश घिमिरे, कृष्ण प्रसाद सापकोटा, रुविन तामाड र घनश्याम थारु विजयी भए । कुल २ हजार ५३ मतदाता रहेको बर्दघाट उद्योग वाणिज्य सँघमा १ हजार ५ सय १ मत खसेको थियो । अध्यक्षमा विजयी घोषित भएपछि सँक्षिप्त प्रतिक्रिया दिँदै नव निर्वाचित अध्यक्ष लेखनाथ न्यौपानेले आर्थिक मन्दिका कारण ब्यवशायीहरू पलायन हुने अवस्था आएकोले स्थानिय सरकार र सरोकारवालासँग समन्वय गर्र्दै आर्थिक अवस्था उकास्नु आफ्नो पहिलो प्राथमिकता रहेको बताए ।