खोज

पाल्पा, २१ पुस ।

तानसेनमा जारी प्रथम मेयरकप क्रिकेट प्रतियोगीताको उपाधि वडा नम्बर १ ‘ए‘ ले जितेको छ । फाइनल खेलमा वडा नम्बर १ ‘ए‘ले वडा नम्बर ९ लाई ८ बिकेटले पराजित गर्दै उपाधि जितेको हो । जित संगै वडा नम्बर १ ‘ए‘ ले नगद ६० हजार, ट्रफी प्राप्त गर्यो भने वडा नम्बर ९ उपबिजेता हँुदै ३० हजारमा चित्त बुझायो ।

फाइन खेलमा पहिले ब्याटिङ्ग गरेको वडा नम्बर ९ ले निधारित २० ओभरको खेलमा १९ दशमलव ४ ओभरमा सबै बिकेट गुमाउदै ८१ रन मात्र बनाएको थियो । उसका लागि गोपाल तिमिल्सेनाले २४ रन बनाए भने भुवन पाण्डेले १८ रनको योगदान गरे । बलिङ्ग तर्फ वडा नम्बर १ ‘ए‘ का अर्पन अर्याल र रुपेश बस्यालले समान ३÷३ विकेट लिए ।

८२ रनको बिजयी लक्ष्य सहित मैदान उत्रिएको वडा नम्बर १ ‘ए‘ ले सुरुवात राम्रो गर्न नसकेपनि रुपेश बस्याल र बिशाल दर्नालले उत्कृष्ट साझेदारी गर्दै टिमलाई बिजयी बनाए । रुपेशले नटआउट ३१ रन र बिशालले नटआउट ४३ रनको योगदान दिए । वार्ड नम्बर ९ का भुवन पाण्डे २ विकेट प्राप्त गरे ।

वडा नम्बर १ ‘ए‘ले निर्धारित २० ओभरको खेलमा १५ दशमलभ ४ ओभरमा जित हात पारेको हो । फाइनल खेलका म्यान अफ द म्याच वडा नम्बर १ ‘ए‘ का बिशाल दर्नाल भएको नगर खेलकुद बिकास समितिका संयोजक हेमन्तराज शाक्यले जानकारी दिए ।