खोज

लमही, २० गते । केही दिन अघि तीब्र गतिका कारण मोटर साइकल अनियन्त्रित भई दुर्घटना हुँदा सख्त घाईते भएका दाङका एक किशोरको उपचारको क्रममा ज्यान गयो । उनको ज्यान जानुको कारण तीव्र गति भएको पुष्टि प्रहरीले गयो । दुर्घटनामा घाइते उनको उपचारको क्रममा नेपालगंजमा ज्यान गएको थियो ।

विद्यालयबाट घर फर्कने क्रममा तुलसीपुरबाट घोराहीतर्फ जाँदै गरेको भे १ ख ३६९७ नम्वरको यात्रु वाहक बसले तुलसीपुर उपमहानगरपालिका – १८ दुधराक्षमा ठक्कर दिँदा तुलसीपुर – १७ झिगैंका ८ वर्षीय बालक सागर चौधरीको घटना स्थलमै मृत्यु भएको थियोे । जनकल्याण माध्यमिक विद्यालय दुधराक्षमा कक्षा ३ मा अध्ययनरत बालक चौधरी बिद्यालयबाट घरजाँदै गर्दा दुर्घटनामा परेका थिए । चालकले लापरवाही गरि तिव्र गतिमा सवारी चलाउँदा दुर्घटना भएको स्थानीयको भनाइ छ । दुर्घटनापछि उचित क्षतिपूर्तिको माग र दोषीलाई कारवाहीको माग राख्दै आफन्त र स्थानीयले सडक अवरुद्ध पनि गरे ।

उल्लेखित दुई घटना एउटा उदाहरण मात्रै हो । चालु आर्थिक बर्ष २०८०/८१ यो अवधिमा दाङमा उनान्नब्बे वटा सवारी र्दुघटना भएको र त्यसबाट २८ जनाले ज्यान गुमाएको जिल्ला ट्राफीक प्रहरी कार्यालय दाङका प्रमुख किरण मल्लले जानकारी दिए । ट्राफिक प्रहरी प्रमुख मल्लका अनुसार दुर्घटनाबाट मुत्यु हुने अधिकांशले सवारी नियमको उल्लंङ्घन गरेको पाइएको छ ।

दुर्घटनामा सवारी चालकको तर्फबाट तिब्र गति, मापसे, र लापरबाही नै कारण हो भने सडकको अवस्था पनि उस्तै छ । साँघुरो सडक, राजमार्गको दुराअबस्था, नियमित सडकको मर्मतसम्भार नहुनु पनि दुर्घटनाको कारण बनेको छ । ट्राफिक प्रहरीका अनुसार यान्त्रिक साधनको गडबडी, मौसम खराबीका कारण लाग्ने हुस्सु, कुहीरोले पनि दुर्घटना गराउने गरेको छ । दुर्घटना भएपछि पनि घाइतेको समयमै उपचार हुने भरपर्दो स्वास्थ्य सेवा नहुँदा पनि दुर्घटनामा परेर अकालमा ज्यान गुमाउनु परेको छ ।

दाङमा सडक दुर्घटना बढ्न थाले पछि सवारी साधनलाई टाइम कार्ड लागु गर्न थालिएको छ । जिल्ला सरक्षा समितिले सवारी साधनमा टाइमकार्ड लागु गर्ने भएको छ । तिब्र गतिका कारण र्दुघटनाबाट मानबिय क्षति बढ्न थालेपछि टाइम कार्ड लागु गर्न थालिएको दाङका प्रमुख जिल्ला अधिकारी रामबन्ध सुबेदीले जानकारी दिए । उहाले भने,“टाईम कार्डको मापदण्ड के राख्ने, कति समय राख्ने ? भन्ने बिषयमा सरोकारवालाहरुको बैठकबाट निश्र्कषमा पुगिन्छ, राजर्मागमा गुड्ने सवारी साधन तथा यात्रको सुरक्षाका लागी प्रहरी चेकजाँचमा कडाई गर्ने भन्ने शुरु भइसकेको छ । जिल्ला प्रहरी कार्यालय दाङका प्रहरी उपरिक्षक राम बहादुर केसीले दुर्घटनाबाट हुने मानबिय क्षति न्यूनीकरणका लागी प्रहरीले चेकजाचलाई थप ब्यबस्थित बनाउने बताए । सवारी साधनको गति जाँच गर्ने मेसिनको समेत व्यवस्थापन गरेर यातायातका साधनहरूको गति जाँच गरिने प्रमुख जिल्ला अधिकारी सुवेदीले जानकारी दिए । यसैगरी सवारी साधन सञ्चालनका लागि क्यू–सिस्टम कडाइका साथ लागु गरिने भएको छ । तर विभिन्न ठाउँहरूमा लागु गरिएका टाइम कार्डको नियम केही दिन र महिनाबाटै निस्क्रिय हुँदै आएका छन् ।