खोज

चन्द्रौटा (कपिलवस्तु), १५ पुस । हिमालयन लाइफ इन्स्योरेन्स कम्पनीद्वारा मृत्यु दावी भुक्तानी गरिएको छ । बिमित राम कुमार बानियाको परिवारलाई शनिबार एक कार्यक्रमका बीच १० लाख ६८ हजार ५ सयको चेक हस्तान्तरण गरेको चन्द्रौटा उपशाखा प्रबन्धक अनिल कुमार थारुले जानकारी दिए ।

इन्स्योरेन्स कम्पनीले बिमित बानियाको श्रीमति लक्ष्मी बानियालाई सिद्धार्थ बैंकको चेक हस्तान्तरण गरेको छ । नेपालगञ्ज उपमहानगरपालिका वडा नम्बर १ बाँके घर भएका राम कुमार बानियाले बार्षिक अग्रिम भुक्तानी जीवन बीमा २० बर्षे योजनामा रु। ५ लाखको २०७५ चैत १० गते बिमा गराएका थिए । जसमा ५ किस्ता बराबरको रकम तिरेको कम्पनीले जनाएको छ ।

स्व।बानिया यात्राको क्रममा भारत गएका थिए । भारतको देह्रदुनमा २०८० साउन २ गते मोटरसाइकल दुर्घटना भएको थियो । त्यसपछि उनीको भारतमै उपचारको क्रममा हिमालयन हस्पिटल स्वामी रामनगर, जोल्ली ग्रान्त देह्रदुनमा २०८० साउन ८ गते मृत्यु भएको थियो ।

बानियाको बीमा सम्झौता अनुसार बार्षिक अग्रिम भुक्तानी जीवन बीमा योजना सुविधा बीमाङ्क बापत सो रकम प्रदान गरिएको इन्स्योरेन्सका चन्द्रौटा उप शाखाका प्रमुख थारुले बताए । प्रमुख थारुले बिमितलाई चेक हस्तान्तरण गर्दै हिमालयन लाईफ इन्स्योरेन्स सर्वाधिक घातक रोगहरुसँगै उत्कृष्ट सुविधा प्रदान गर्ने उत्कृष्ट नेपाली बीमा कम्पनी भएको दावी गरे ।

आगामी दिनहरुमा बीमितहरुलाई अझ स्तरीय सेवा प्रवाह गर्ने उनले प्रतिबद्धता जनाए । प्रमुख थारुका अनुसार बिमितको मृत्यु पश्चात् उक्त बिमा बापतको रकम उनलाई चेक हस्तान्तरण गरिएको छ । निजको श्रीमति बानियाले बीमा गर्दा बिना झन्झट बिमा बापतको रकम प्राप्त गरेको बताइन् ।