खोज

बुटवल, ७ पुस । उजिरसिह माबिको हीरक जयन्ती २०८० को मुल समारोह शनिबार सम्पन्न भएको छ । कार्यक्रमको पुर्व उपप्रधान तथा अर्थमन्त्री विष्णु प्रसाद पौडेलले उद्घाटन गर्दै नेपाल भुमिको रक्षा गर्न उजिरसिहको योगदानबारे प्रकाश पार्दै सम्मानमा स्थापना भएको विद्यालयको आफ्नै गरिमा रहेको बताए । विद्यालयको भौतिक र गुणस्तरीय विकासमा यहाका जनप्रतिनिधि, समाजसेवीहरुको अगुवाईमा काम भएको उनले बताए । विद्यालयको पुर्वाधारलाई छिटोभन्दा छिटो सक्ने गरि स्थानिय, प्रदेश र संघिय सरकारबाट सहयोग माग्न जरुरी रहेको उनले बताए । विद्यालयमा नै उजिरसिहको आलेख तयार गरेर विद्यार्थीहरुलाई ज्ञान दिने गरि कार्यक्रम गर्नुपर्ने सुझाव दिए । लुम्बिनी क्षेत्रको पुर्वाधार विकासको काम सुस्त गतिमा बढेको उनले बताए । तिनाउ पुलदेखि गोरुसिङेसम्म सडक बिस्तारको लागि ठेक्का समेत भैसकेको भन्दै योसंगै विकासमा महत्वपूर्ण योगदान मिल्ने बताए ।

लुम्बिनी प्रदेशका पुर्वमन्त्री तथा प्रदेश सभा सदस्य भोज प्रसाद श्रेष्ठ, मध्यपश्चिम पृतनाका पृतनापति उपरथी यमप्रसाद ढकाल, वडा नं १ का वडाअध्यक्ष नरेन्द्र बस्नेत, ईन्जिनियर सुशील ज्ञवाली, बुटवल अटो ईन्जिनियर एशोसियसनका अध्यक्ष तुल्सी न्यौपाने, विद्यालयका प्रमुख सल्लाहकार टेक बहादुर थापा, विद्यार्थी समीक्षा बिक, पुर्व विद्यार्थी लंक बस्नेतले आजको विद्यार्थी भोलिको उजिरसिहको अवधारणा बोकेको विद्यालय निरन्तर गुणस्तरीय शिक्षा प्रदान गर्न सफल भएको बताए ।

विद्यालयको प्रधानाध्यापक पदमराज ज्ञवालीले विद्यालयको स्थापना, नामाकरण देखि वर्तमान शैक्षिक अवस्थाको बारेमा प्रकाश पारेका थिए । एक विगाहा ५ धुर जग्गामा विद्यालयको पुर्वाधार निर्माण भएको छ । बुटवल गढिटोल क्षेत्रमा बालबालिकाहरुलाई अनिवार्य निशुल्क शिक्षा प्रदान गर्ने लक्ष्यअनुसार केन्द्र नं ५ नामाकरण भई विद्यालय शुभारम्भ भएको ईतिहास रहेको उनले बताए ।

विद्यालयको पुर्वाधार विकासमा योगदान गर्नुभएका पुर्व प्रशासकिय अधिकृत ध्रुव बहादुर खड्का, ई सुशील ज्ञवाली, यम प्रसाद ढकाल, यसैगरि जग्गादाताहरुलाई समेत सम्मान गरिएको विद्यालय ब्यवस्थापन समितिका अध्यक्ष बिमल बहादुर शाक्यले बताए ।

यसैबिच विद्यालयको पुस्तक उजिर संदेश २ विमोचन गरिएको छ । जुन उजिरसिह स्मृति ग्रन्थका रुपमा तयार भएको पुस्तकका प्रधानसम्पादक महेन्द्र थापाले बताए । जितगढी किल्ला, उजिरसिह, उजिरसिह विद्यालयको परिचय लगायतको सामरिक, ऐतिहासिक, सास्कृतिक, शैक्षिक पठनिय विषयबस्तुहरु समावेश गरिएको उनले बताए । उजिरसिहलाई राष्ट्रिय विभुति घोषणा गर्नुपर्ने उनले बताए ।