खोज

बुटवल, ५ पुस ।

खस्कँदै गएको मुलुकको अर्थतन्त्रलाई माथि उकास्ने लक्ष्यसहित आज बिहीबारदेखि बुटवलमा लुम्बिनी एक्स्पो–२०८०, अन्तर्राष्ट्रिय व्यापार मेला सुरु हुँदैछ । रुपन्देही व्यापार संघको आयोजनामा हुने लुम्बिनी एक्स्पोको तयारी पूरा भएको छ ।

संघले नयाँपन, फरक शैली र विशिष्ट पहिचानका साथ ‘स्वरोजगार आत्मनिर्भरता हाम्रो आधार, सहरदेखि गाउँसम्म व्यापार विस्तार’ भन्ने मूल नाराका साथ मेला आयोजना गर्न लागेको हो । यही पुस१८ गतेसम्म सञ्चालन हुने मेला निमार्णाधीन अन्तराष्ट्रिय प्रदर्शनी केन्द्र बुटवल मण्डपमा हुने छ ।

मेला आयोजक मूल समिति संयोजक एवं संघका अध्यक्ष कृष्णप्रसाद घिमिरेका अनुसार मुलुकको व्यापार व्यवसाय दिन प्रतिदिन खस्कँदै गएको, निजी क्षेत्रको मनोवल घट्दै गएको अवस्थामा हुन लागेको यो मेलाले निजी क्षेत्रलाई राहत दिने छ ।

मेलामा ६०० वटा औद्योगिक तथा व्यापारिक प्रतिष्ठानहरु सहभागी हुनेछन् । मेलाका लागि होटल तथा रेष्टुरेन्ट २३, उनी, गार्मेन्ट तथा तयारी पोशाक, अन्तर्राष्ट्रिय स्टल १०, कृषि ४३, ब्याग जुत्ताचप्पल ६८, राष्ट्रिय तथा बहुर्राष्ट्रिय कम्पनी ७८, श्रृंगार, उपहार तथा खेलौना ५२, फर्निचर तथा फर्निसिङ, किचन एण्ड प्लाष्टिक सामान ५३, बैंक÷वित्तिय संस्थाएवं शैक्षिक संस्था १८, अटोमोवाइल्स, लुुब्रिकेशन, टायर तथा पार्टस् ६,आइटी, इलेक्ट्रिक तथा इलेक्ट्रोनिक्स १६, आइसक्रिम तथा बेकरीज १८, पुस्तक, किप, स्टेशनरी तथा स्पोर्टस ८ र औषधिजन्य पदार्थ तथा कृषि उत्पादनका ६६ स्टल रहने छन् ।

संयोजक घिमिरेका अनुसार कृषि, महिला उद्यमी एंव सामाजिक संघसंस्थाहरुलाई निःशुल्क रुपमा केही स्टल उपलब्ध गराइएको छ । एक्स्पो उद्घाटनअघि मेलास्थल बुटवलमण्डपबाट बिभिन्न जातजाति, धर्म, समूदायको लोक संस्कृति झल्किने खालका झाँकी सहित जनचेतनामूलक ¥यालीको आयोजना गरिने छ । ¥यालीले बुटवल बजार परिक्रमा गर्ने छ । जनचेतना ¥यालीमा सहभागी उत्कृष्टलाई पुरस्कृत गर्ने कार्यक्रम समेत रहेको घिमिरेले बताए ।

संघका महासचिव दयानिधि भण्डारीले एक्स्पोमा सहभागी हुन आउने दर्शकहरुलाई आकर्षण र मनोरञ्जन प्रदान गर्न चर्चित राष्ट्रिय, स्थानीय कलाकारहरुको प्रस्तुती रहने बताए ।

उनका अनुसार सांस्कृतिक कार्यक्रमतर्फ स्थानीय तथा राष्ट्रिय कलाकारहरुको प्रस्तुति, डान्स आइडल प्रतियोगिता, लोक दोहोरी गीत प्रतियोगिता, विद्यालयस्तरीय लोकनृत्य प्रतियोगिता, विद्यालयस्तरीय वक्तृत्वकला प्रतियोगिता, ¥याप गीत प्रतियोगिता र भजन प्रतियोगिता गपरने छ ।

एक्स्पोमा सुरक्षातर्फ निजी सुरक्षा कम्पनीको सहभागितामा एक्स्पोको तर्फबाट आवश्यकता अनुसार सुरक्षा प्रवन्ध मिलाइएको र सशस्त्र र जनपद प्रहरीको संयुक्त गस्ती रहने आयोजकले जानकारी दिएको छ । एक्स्पोको सुरक्षालाई ध्यानमा राख्दै विभिन्न स्थानमा सिसि क्यामेराको समेत व्यवस्था गरिएको छ ।

मेलाको करिव १० लाख दर्शकले अवलोकन गर्ने र करिव ५० करोडको कारोवार हुने आयोजकले अनुमान गरेका छन् । मेलाको उदघाटन एमाले उपाध्यक्ष, पुर्व अर्थमन्त्री एवं यस क्षेत्रका संघीय सांसद विष्णु पौडेलले गर्ने तय भएको छ ।