खोज

बुटवल, ५ पुस । उजिरसिह माबिको हीरक जयन्तीको अवसरमा आयोजित नगरस्तरीय अन्तर विद्यालय लोक नृत्य प्रतियोगिताको उपाधि एभरेष्ट बोर्डिङ स्कुलले चुमेको छ । विहिबार भएको प्रतियोगितामा किसान दाता नृत्य प्रस्तुत गर्दै एभरेष्ट बोर्डिङ स्कुल प्रथम भएको हो । प्रतियोगितामा भक्तपुर नेवारी माख प्याख नृत्य प्रस्तुत गर्दै लुम्बिनी बोर्डिङ स्कुल दोस्रो भयो। यसैगरि कृष्ण चरित्र नृत्य प्रस्तुत गरेको बुटवल एक्स आर्मी तेस्रो तथा बर्दियाली लाठी नृत्य प्रस्तुत गरेको तिनाउ बोर्डिङ स्कुलको टिम सान्त्वना भएको छ । प्रतियोगितामा प्रथम पुरस्कार नगद २५ हजार रुपैया, द्घितिय पुरस्कार नगद २० हजार रुपैया र तृतिय पुरस्कार नगद १५ हजार रुपैया र कप, मेडल, प्रमाणपत्र र सान्त्वना १० हजार रुपैयाबाट पुरस्कृत हुने सास्कृतिक संयोजक यम प्रसाद श्रेष्ठले बताए ।

प्रतियोगितामा १२ सामुदायिक र १३ संस्थागत गरि २५ विद्यालयका विद्यार्थीहरुले भाग लिएका थिए। सहभागीहरुले साकेला, चण्डी नाच, थारु, भक्तपुर नेवारी माख प्याख नृत्य, राउटे (होराजन), मयुर नृत्य, टप्पा नृत्य प्रस्तुत गरेका थिए । प्रतियोगितामा नृत्य निर्देशक रमेश श्रेष्ठ , गोकुल सारु, पुजा दर्नाल निर्णायक रहेका थिए । प्रतियोगीहरुलाई भेषभुषा, हाउभाउ, स्टेज कभर, कोरियोग्राफी, सास्कृतिक सामग्रीहरुको आधारमा उत्कृष्ट छनौट गरिएको छ ।

प्रतियोगिताको बुटवल उपमहानगरपालिकाका उपप्रमुख सावित्रादेवि अर्यालले उद्घाटन गर्दै संस्कृति संरक्षण गर्न सामुदायिक विद्यालयहरु निरन्तर योगदान दिएको बताईन । विद्यार्थीहरुमा अन्तरनिहित प्रतिभा प्रस्फुटन गर्न प्रतियोगिता महत्वपूर्ण हुने बताईन ।

यसैबिच प्रतियोगितामा सबै सहभागीहरुलाई विद्यालयका शिक्षक यम प्रसाद श्रेष्ठबाट १० हजार ५ सय रुपैया र ईन्द्रणी सामुदायिकबाट १० हजार ५ सय रुपैयासहित विद्यालयका पुर्व शिक्षिका सुर्यलक्ष्मी गुभाजु, गौतमलाल शाक्य, सहायक प्रअ प्रेम कुमार श्रेष्ठ, देविकला थापा, विद्यालयका प्रमुख सल्लाहकार टेक बहादुर थापालगायतबाट समेत सहयोग गरि प्रत्येक टिमलाई नगद २ हजार रुपैया वितरण गरिएको स्वयंसेवक परिचालन समितिका संयोजक मदन कुमार पछाईले बताए ।

कार्यक्रममा विद्यालय ब्यवस्थापन समितिका अध्यक्ष बिमल बहादुर शाक्यले नेपालको सबै संस्कृति एउटै स्टेजमा देख्न पाएको बताउदै संस्कृति रक्षामा विद्यालयको योगदान रहेको बताए ।

एक समारोहका बिच बुटवल उपमहानगरपालिका शिक्षा शाखा प्रमुख टिकाराम पन्थी, विद्यालय ब्यवस्थापन समितिका प्रमुख सल्लाहकार टेक बहादुर थापा, विद्यालयका प्रअ पदमराज ज्ञवालीले कक्षा नर्सरी देखि १२ सम्म अध्ययन गर्ने उत्कृष्ट ५४ जना विद्यार्थीहरुलाई छात्रवृत्ति प्रदान गरेका थिए ।