खोज

बुटवल,५ पुस । उच्च शिक्षा अध्ययनका लागि अष्ट्रेलिया जान चाहने विद्यार्थीलाई सही परामर्श दिने उद्देश्यले युनिक्याम्पस ग्लोवलको शाखा बुटवलमा संचालनमा आएको छ । विदेश अध्ययन गर्न जाने विद्यार्थीहरुलाई परामर्श सेवामा २० वर्षको अनुभवी संस्थाले बुटवल ६ ट्राफिक चौकमा सातौं शाखा सञ्चालनमा ल्याएको हो ।

युनिक्याम्पस ग्लोवल बुटवल शाखा प्रमुख रमेश न्यौपानेका अनुसार आफूहरुले विद्यार्थीहरुको डकुमेन्ट अध्ययन गरेर अष्ट्रेलियाको विश्वविद्यालयमा भिसा प्राप्त हुने अवस्थामा मात्रै सेवा शुल्क लिने अन्यथा भीसा प्रोसेस नै नगरी विद्यार्थीलाई अन्य देशमा पढ्न जान सुझाव दिने बताए । ‘हामी विद्यार्थीलाई नहुने कुरा हुंदैन भन्छौं, हुने कुरा मात्र  गर्छौं’–न्यौपानेले भने–‘संस्थाले यही कारण विद्यार्थी र अभिभावकको विश्वास जितेको छ,यसलाई हामी तलमाथि हुन दिदैनौं ।’
युनि क्याम्पस ग्लोवलका चिफ एक्जुकेटिभ अफिसर घनश्याम घिमिरेले युनिक्याम्पस ग्लोवलले अष्ट्रेलियामा स्नातक, स्नातकोत्तर तथा बिद्याबारिधी गर्ने जाने बिद्याथीलाई लक्षित गरी परामर्श दिने गरेको बताए । सूचना प्रविधि,अनलाइन व्यापारसहित आफूहरुको एक दर्जन व्यवसाय पनि सञ्चालनमा रहेको र शैक्षिक परामर्श व्यवसायको एउटा पाटो मात्र भएकाले आफूहरुले युनि क्याम्पस ग्लोवललाई पैसा कमाउने भन्दा पनि अष्ट्रेलिया जान चाहने विद्यार्थीले सही परामर्श दिई उनीहरुको भविष्य उज्जवल बनाउने हिसाबले अघि बढाएको स्पष्ट पारे । सन् २००१ मा स्थापना भएको युनि क्याम्पसको विदेशमा पनि ६ वटा शाखा रहेको जानकारी दिए । बुटवल पश्चिम नेपालकै शैक्षिक हब भएकाले यहां राम्रो संभावना देखेर रुपन्देही र आसपासका ५–६ वटा जिल्ला समेट्ने गरी शाखा ल्याएको बताए ।
अवको २ बर्षमा २० वटा शाखा बनाउन योजना रहेको सिईओ घिमिरेले जानकारी दिए । युनिक्याम्पस ग्लोवलले मुख्यगरि अष्टे«लिया, क्यानडा, न्युजिल्याण्ड, युके, युएसए लगायतका देशमा पढ्न जानेका लागि परामर्श सेवा दिदै आएको छ । सफ्ट एड ग्रुप अन्तर्गत युनि क्याम्पस ग्लोबलसहित १२ वटा फरक फरक प्रकृतिका कम्पनीहरु संचालनमा रहेका घिमिरेले जानकारी दिए । भविष्यमा बुटवलमा मिडिया टेक्नोलोजीसंग सम्बन्धित तालिम पनि सञ्चालन गर्ने योजना रहेको उनले बताए ।
सफ्टवेरिका कम्पनीका नाममा सन् २००१ मा स्थापित संस्थाले सन् २०१० मा नाम “यूनिक्याम्पस ग्लोबल” बनाएको हो । युनिक्याम्पस ग्लोवल यसै अन्तर्गतको एउटा कम्पनी हो ।