खोज

बुटवल , ४ पुस । रुपन्देहीका उद्योगी र उद्योगमा कार्यरत कर्मचारीहरुलाई ब्यवसायजन्य सुरक्षा र स्वस्थ्य बारे जानकारी दिने उद्येश्यका साथ ३ दिने तालिम शुरु भएको छ । रूपन्देही उद्योग संघको आयोजना र दीगो तथा सम्मानित रोजगारीका लागि सीप परियोजना (इन्स्योर) को सहकार्यमा बुटवलमा व्यवसायजन्य सुरक्षा र स्वास्थ्य विषयक तालिम शुभारम्भ गरिएको हो ।

रुपन्देही उद्योग संघका अध्यक्ष दिलिप सापकोटाले तालिम उद्घाटन कार्यक्रममा उद्योग व्यवसायको मेरुदण्डको रूपमा सुरक्षा र स्वास्थ्य विषय भएको बताए । ब्यवसायको क्रममा उत्पन्न हुने सुरक्षाबारे ज्ञान लिएर आफनो ब्यवहारमा लागु गन उनले आग्रह गरे । युवा जनशक्तीलाई सीपयुक्त र स्वरोजगार बनाउने गरि इन्स्योर परियोजना सहकार्य गरी प्रदेशका विभिन्न जिल्लाहरूमा सीप अभिबृद्धि र स्वरोजगारमूलक तालिमहरुको आयोजना गरिरहेको भन्दै उनले आगामी दिनहरूमा थप परिमार्जन गरि कार्यक्रम ल्याउने योजना रहेको बताए । तालिममा होटल तथा अटो लगायत उत्पादनमूलक उद्योगहरुमा व्यवस्थापन क्षेत्रका कर्मचारीहरुको सहभागिता रहेको थियो ।

कार्यक्रममा रूपन्देही उद्योग संघका निवर्तमान अध्यक्ष माधब प्रसाद पौडेलले तालिमको महत्व, आवश्यकता र विषयवस्तु सन्दर्भबारे प्रकाश पार्दै स्वास्थ्य र सुरक्षा जस्तो गम्भिर विषयको तालिमबाट उपलब्धि हासिल हुने बताए ।

कार्यक्रममा संघका महासचिव हिरामणी भट्टराई, वरिष्ठ उपाध्यक्ष कृष्ण प्रसाद पराजुली, कार्यसमिति सदस्य अशोक कुँवर, दिलु शाही, प्रमुख कार्यकारी अधिकृत यादव प्रसाद भण्डारी, होटल तथा रेष्टुरेन्ट व्यवसायी संघका पर्यटन उपाध्यक्ष रोमाकान्त पाण्डे, सहकोषाध्यक्ष माधब प्रसाद ढकाल, तालिमको संयोजन सिप विकास ईकाईका कार्यक्रम संयोजक खिमानन्द रिजालले कार्यक्रममा शुभकामना दिएका थिए ।
वातावरण विज्ञ एवं मुख्य प्रशिक्षक दिनेश शाहले सहजीकरण गरेको तालिममा विभिन्न उद्योग क्षेत्रका २७ जनाको सहभागिता रहेको छ ।