खोज

बुटवल, २८ मंसिर ।

लुम्बिनी निर्माण ब्यवसायी संघ, रुपन्देही र बुटवल शाखाको मंसिर २९ र ३० गते हुने अधिवेशनको लागि नेकपा एमाले र माओवादीको संयुक्त प्यानलको टिम घोषणा भएको छ ।

जिल्ला अध्यक्षमा मन्जु भुषालको नेतृत्वमा प्यानलसहित टिम घोषणा भएको हो । भुसाल नेतृत्वको प्यानलमा प्रथम उपाध्यक्ष रमेश बेल्बासे, द्वितीय उपाध्यक्षमा विष्णु सुब्बा, महासचिव अर्जुन रिजाल, सचिव राजन ज्ञवाली, कोषाध्यक्ष पोलेन्द्र पटेल, सहकोषाध्यक्ष रामराजा तिवारीले उम्मेदवारी दिने भएका छन् ।

यसैगरी बुटवल शाखामा भने बुद्धिराज थापाको नेतृत्वमा प्रथम उपाध्यक्ष बाबुराम चौधरी, द्वितीय उपाध्यक्ष दिपेन्द्र सुवेदी, सचिव हिरा श्रेष्ठ, सहसचिवमा अर्जुन श्रेष्ठ, कोषाध्यक्ष सजल नेपाल तथा सदस्यहरुमा चुडामणी न्यौपाने, जगनारायण चौधरी, कृष्ण चौधरी, सुशिल बश्याल र यादवनाथ न्यौपानेको टिम घोषणा भएको हो ।

घोषणा सभामा अध्यक्षका उम्मेदवार मन्जु भुषालले समावेशी र सर्वपक्षीय प्यानल जितको आधार भएको बताईन् । कठिन समयमा आफु नेतृत्वमा आएर संस्थागत रुपमा ब्यवसायीहरुको हितमा आवाज उठाउने बताए । दुई दशक बढी समयदेखि निरन्तर यो पेशामा आवद्ध भएको उनले बताए । ७७ जिल्लामा आफू पहिलो अध्यक्ष पदको महिला उम्मेदवार भएको उनले दाबी गरिन।

महिलाको नेतृत्वमा समावेशी उम्मेदवारी टिममा भएको उनले बताईन् । निर्माण ब्यवसायीको रुपमा महिलाका रुपमा परिचय बनाउन सफल भएको उनले बताईन् । सरकारलाई खबरदारी दिने रुपमा आफू उम्मेद्वार बनेको उनले दाबी गरिन् ।

यता बुटवल शाखामा अध्यक्षका उम्मेदवार बुद्धि थापाले आफुहरु नितान्त ब्यवसायीहरुको हकहितमा मुद्दा उठाएको हुँदा पनि जित सुनिश्चित रहेको बताए । उम्मेदवारहरुको परिचयात्मक कार्यक्रममा उनले आफुहरु सरकारसंग अब उधारो सहमति नगर्ने बताए । बुटवलमा १ सय २५ मत आफुहरुसंग रहेको हुँदा पनि जितको आधार भएको उनले बताए ।

देशमा नीतिगत भ्रष्टाचारको समस्या अन्त्य गर्न आफुले अगुवाई गर्ने प्रतिवद्धता जनाए । सरकारको ६० प्रतिशत बजेट खर्च गर्ने हँुदा पनि यसलाई चिर्न आफुहरु उम्मेदवार बनेको बताए । म्याद थप नभए ब्यवसायी धरासायी हुने अवस्था छ । सरकारले ०७९÷०८० को ४० अर्ब भन्दा बढी भुक्तानी दिन बाँकी छ । यो वर्षको समेत भुक्तानी बाँकी रहेकोले ब्यवसाय धरासायी भएको उनले दुखेसो गरे । जिल्लामा करीब साढे ३ सय सदस्य छन् । घोषणा सभामा निर्वाचन परिचालन समितिका संयोजक जविन कक्षपति र प्रदेश उपाध्यक्ष नवराज श्रेष्ठले निर्वाचनको समीक्षा गरेका थिए ।