खोज

बर्दघाट, २४ मंसिर । जनता समाजवादी पार्टीका अध्यक्ष हृदयेश त्रिपाठीले नागरिकको स्वास्थ्य क्षेत्रको नया आयमको रुपमा ट्रमा सेन्टरको परिकल्पना गरिएको बताएका छन । देशको स्वास्थ्य क्षेत्रमा धेरै सुधार गर्नु पर्ने अवस्था रहेको बताउदै स्वास्थ्य क्षेत्रको सुधार गर्ने योजना अनुरुप ट्रमा सेन्टरको अवधारणा बिकास गरिएको दाबी गरे ।

देशमा स्वास्थ्य क्षेत्र निकै सुधार गर्नु अवस्थामा रहेकाले केन्द्र, प्रदेश र स्थानीय सरकारले सुधार क्षेत्र सुधारका योजना सहित बजेट र कार्यक्रम अगाडी बढाउनुपर्ने त्रिपाठीको भनाइ छ । सहिद स्मृति सामुदायिक अस्पतालको बार्षिक साधारण सभालाई सम्बोधन गर्दै त्रिपाठीले अस्पतालको भौतिक सरचना राम्रो रहेपनि गुणस्तर सेवा सुबिधा प्रदान गर्ने बिषय चुनौती पुर्ण रहेको बताए ।

कार्यक्रममा प्रतिनिधि सभा सदस्य सरिता भुसालले जनताको पहिलो आवश्यक शिक्षा र स्वास्थ्य रहेको बताउदै सरकार शिक्षा र स्वास्थ्यमा लगानी गर्न नसकेको बताईन । सामुदायिक स्तरबाट जनताले आफ्नो गास कटाएर लगानी गरेका सामुदायिक अस्पतालहरु के कसरी संचालन गर्ने र स्थापना भएका अस्पताललाई जोगाएर जनताको सेवामा के कसरी दीर्घकाल सम्म सञ्चालन गर्ने सकिन्छ भनेर रणनीतिक योजना बनाएर अगाडि बढ्नुपर्ने सुझाव दिईन ।

प्रदेश सभा सदस्य बिस्वप्रेम पाठकले राज्यबाट सामुदायिक अस्पतालको संचालनको विषयमा प्रष्ट नीति बनाउन नसकेको बताए । उनले भने –“ राज्यसंग सामुदायिक अस्पताल के कसरी संचालन गर्ने प्रष्ट नीति छैन, त्यसैले देशका धेरै सामुदायिक अस्पतालहरु बेवासिरे बनेका छन ।“ जिल्ला अस्पताल प्रदेशले जिम्मेवार लियो । स्थानीय स्तरका १५ सैयाका अस्पताललाई स्थानीय तहले लियो । तर यस्ता हाम्रो खालका अस्पताल कस्ले जिम्मेवार लिने कसरी संचालन गर्ने भनेर राज्यको निति प्रष्ट भएको छैन । त्यसैले अहिले सामुदायिक अस्पताल बन्द हुने अवस्थामा पुगेको पाठकको भनाइ छ ।
नगर प्रमुख शम्भुलाल श्रेष्ठले अब केहि समय भित्र नै ट्रमा सेन्टर बन्ने बताउनु भयो । नेपाल सरकारले तय गरेका मापदण्ड अनुसारको आवस्यक कागजात पेस गरिएको बताउदै नगर प्रमुख श्रेष्ठले बर्दघाट नगरमा अब छिट्टै ट्रमा सेन्टर बन्ने बताए ।

नेकपा एमालेका जिल्ला अध्यक्ष दिपेन्द्र अधिकारी काम काजी टिम बनाएर सबै संग समन्वय गरि अस्पताल सञ्चालन गर्ने नया योजना बनाएर अगाडि बढ्नु पर्ने बताए । प्रतापपुर गाउँपालिकाका अध्यक्ष उमेशचन्द्र यादवले पश्चिम नवलपरासीको क्षेत्र नम्बर १ को क्षेत्रीय अस्पतालको रुपमा बिकास गर्ने सकिए राम्रो हुने बताए । सुस्ता गाउपालिका अध्यक्ष टेक नारायण उपाध्यायले स्वास्थ्य क्षेत्रमा राम्रो गर्न सुस्ता गाउँपालिका तयार रहेको बताए । उपप्रमुख रुद्र प्रकाश उपाध्यायले दक्ष मानव स्रोत व्यवस्थापनका लागि अस्पताल बिकास समिति र नगर बीच छलफल गरि अगाडि बढ्न सकिने बताए ।

बर्दघाट नगर प्रवक्ता सन्त बहादुर गाहा, सस्थाका सल्लाहकार बृहस्पति अधिकारी, नेपाली काङ्ग्रेसका नगर सभापति दामोदर जि.सि, नेकपा एमालेका नगर अध्यक्ष रबिन्द्र बिक्रम हमाल, एकिकृत माओवादीका बर्दघाट नगर अध्यक्ष तेजेन्द्र बुर्जा मगर, सस्थाका अध्यक्ष निमानन्द न्यौपाने, उपाध्यक्ष उर्मिला क्षेत्रीले सामुदायिक अस्पताल सुधारका लागि सबैको सामुहिक संकल्प अघि बढाउने समय आएको बताए ।