खोज

बुटवल, २० मंसिर । देश संकटग्रस्ट अवस्थामा पुग्दा पनि सरकार र राजनितिक दलहरु संवेदनशिल नभएको रुपन्देहीका होटल ब्यवसायीहरुले गुनासो गरेका छन । आर्थिक संकटकै कारण होटल ब्यवसायीहरु धरासायी भएको वर्तमान अवस्था समाधान गर्ने भन्दा पनि राजनितिक दलहरु जुगाको लडाईमा रमाउनु गलत भएको बताए ।

होटल तथा रेष्टुरेन्ट ब्यवसायी संघ अन्तरगत वडा ७ र ८ टोल समिति गठन कार्यक्रमको उद्घाटन गर्दै संघका अध्यक्ष लेखनाथ भण्डारीले ब्यवसायको जटिल परिस्थिति आएको बताए । ‘ब्यवसायीहरुको अनुहारमा खुशियाली छैन ।’— उनले भने । पर्यटन क्षेत्रमा लगानी गर्ने आधार बुद्ध जन्मस्थल लुम्बिनी, अन्तरास्ट्रिय बिमानस्थल, अन्तराष्ट्रिय सम्मेलन केन्द्र, पर्यटकीय क्षेत्र भएको उनले बताए । यी सबै क्षेत्रलाई चलायमान गराउन नसक्दा ब्यवसाय धरासायी भएको उनले दुखेसो गरे। आफ्नो कार्यकालमा टोलस्तरबाट नै समस्या उठान र समाधान गर्ने गरि समिति गठन अभियान चलाएको उनले बताए । हाल १४ वटा टोल समिति गठन गरिएको उनले बताए । अहिलेको संकटग्रस्ट ब्यवसायलाई मध्येनजर गरि घरबहाल न्युनिकरण गर्ने कार्यबाट धेरै लाभ मिलेको उनले बताए । ब्यवसायीहरुलाई क्षमता विकास गर्न तालिम र अभिमुखीकरण कार्यक्रममा जोड दिएको उनले बताए ।

कार्यक्रममा संघका सल्लाहकार बालाराम भट्टराईले संस्थागत अगुवाईबाट नै समस्या समाधान गर्न सकिने बताए । संकटग्रस्त अवस्था देशमा आएको छ तर देशमा अभिभावक विहिन भएको अवस्था आएको उनले बताए । सरकारको नेतृत्वमा बस्नेहरु गम्भीर नबन्दा देश समस्याको भुमरीतिर धकेलिएको उनले दुखेसो गरे । राजनितिक किचलो, मौद्रिक निति समयमा ल्याउन नसक्नु, योजनावद्घ पुर्वाधार विकास नहुनु जस्ता कारण विकासको बाधक भएको उनले बताए ।

कार्यक्रममा संघका वरिष्ठ उपाध्यक्ष माधव खनालले ब्यवसायलाई चलायमान बनाउने गरि लाग्ने बेला भएको बताए । पर्यटन प्रर्वद्धनका कामलाई अघि बढाउने गरि मौलिक नृत्य चलाएको उनले बताए। यसैगरि सडक खाना महोत्सवको तयारीमा रहेको उनले बताए । खानाका स्टल दर्ताका लागि संघका सचिव थमन भण्डारीको संयोजकत्वमा अघि बढाईएको उनले बताए । पर्यटन उपाध्यक्ष रोमाकान्त पाण्डे, द्घितिय उपाध्यक्ष प्रेम भट्टराई, सुर्दशन खनालले शुभकामना दिए ।

रुपन्देही होटल तथा रेष्टुरेन्ट ब्यवसायी संघ अन्तरगत टोल समिति गठन

होटल ब्यवसायी सन्तोष खड्काको अध्यक्षतामा १३ सदस्यीय रुपन्देही होटल तथा रेष्टुरेन्ट ब्यवसायी संघ अन्तरगत वडा ७ र ८ टोल समिति सर्वसम्मत चयन भएको छ । जसको वरिष्ठ उपाध्यक्ष रोमाकान्त पाण्डे, उपाध्यक्ष नारायण पहराई, सचिव पवित्रा ज्ञवाली, कोषाध्यक्ष सुदर्शन खनाल तथा सदस्य पदम सेन, सरस्वति पन्थ, पवन रेग्मी, नारायण न्यौपाने, रमेश पाण्डे, मिना शेरचन र शर्मिला अधिकारीलाई चयन भएका छन । सल्लाहकारमा चुत्र बहादुर पौडेल, केशवराज पराजुली, यामप्रसाद गैरे, यज्ञमुर्ती भण्डारीलाई चयन गरेको छ । वडा नं ७ र ८ अन्तरगत चादबारी, आम्दा लाईन, दिपनगर, रामनगर, मुटु अस्पताल क्षेत्रमा गरि ८२ जना सदस्यहरु छन ।