खोज

काठमाडौं,१९ मंसिर । नेपाली कांग्रेसका महामन्त्री गगन थापा र नेतचा डा. शेखर कोइरालाले एनसेलको विक्रि गर्दा ठूलो रकम घोटाला भएको आशंका गरेका छन् । मंगलबार ओखलढुंगाको एक कार्यक्रममा बोल्दै उनीहरुले यसबारे उच्चस्तरीय र स्वतन्त्र छानवीन हुनुपर्नेमा जोड दिएका छन् । महामन्त्री थापाले यसमा अर्बौ रुपैयाँ घोटाला भएको आशंका गरेका छन् ।
मंगलबार नेपाली कांग्रेसको ओखलढुङ्गा जिल्ला सम्मेलनमा बोल्दै थापाले एनसेलमा घोटाला भएको सहजै अनुमान गर्न सकिने बताएका हुन् ।

महामन्त्री थापाले यो प्रकरणमा कानुनको दुरुपयोग भएको वा जतिसुकै ठूलो मान्छेको संलग्नता भए पनि सरकार डराउन नहुने बताए ।
थापाले कानुनको दुरुपयोग भएको छ र जतिसुकै ठूलो मान्छे यसमा संलग्न भई ठूलै नेताको सम्पत्ति चोर बाटोबाट लगेर त्यो कालो धन नेपालमा लगानीको नाममा भित्र्याउने प्रयास भएको छ भने जो सुकै होस् दण्ड पाउँछ भन्ने विश्वास दिलाउनुपर्छ भने ।
मलेसियाको कम्पनी आजियटाले हालै आफ्नो एनसेलमा रहेको स्वामित्व गैरआवासीय नेपाली सतीशलाल आचार्यको कम्पनीलाई बिक्री गरेको छ । उक्त खरिदबिक्री शंकास्पद भन्दै नेपालभित्र छानबिन हुनुपर्ने माग भइरहेको छ ।
महामन्त्री थापाले नागरिकका साना साना काम पनि नभएका कारण सरकारप्रति आक्रोश बढेको बताए । अर्थतन्त्रको अवस्था मन्त्रालयको खाता पल्टाएर मात्रै नदेखिने भन्दै उनले थपे, तथ्यांकले केही सकरात्मक कुराको संकेत गरेको छ । तर, गाउँ गाउँ डुलेर हेर्‍यौं भने किसानहरुको रुवावासी छ ।’ बैंकबाट ऋण लिएर सानो सानो व्यवसाय गर्नेको अवस्था नाजुक बनेको उनले भनाइ छ ।
यस्तै नेपाली कांग्रेसका नेता डा शेखर कोइरालाले एनसेल बिक्रीमा राजनीतिकर्मी, कर्मचारी र व्यापारीहरुको मिलेमतो रहेको बताएका छन् ।

पाँच वर्षपछि सरकारको मातहतमा आउनुपर्ने एनसेल बिक्रीमा राज्यका तिन पक्ष मिलेको आरोप लगाए । राजनीतिज्ञहरु, कर्मचारी र व्यापारीहरुको मिलेमतो नभई विक्रि सम्भव हुदैन त्यसकारण हामीले नेताहरुलाई प्रश्न गरेका छौं कि एनसेल बिक्री प्रकरण किन भयो ’ नेता शेखरले भनेका छन् ।

मलेसियाको टेलिकम जायन्ट आजियाटाले नेपालको एनसेलमा रहेको आफ्नो ८० प्रतिशत सेयर बेलायतको स्पेक्ट्रलाइट यूके लिमिटेडलाई बिक्री गर्ने भएको छ ।

आजिआटाले आफ्नो सेयर ५ करोड अमेरिकी डलर अर्थात् ६ अर्ब ६६ करोडमा स्पेक्ट्रलाइट यूके लिमिटेडलाई बेचेको उल्लेख गरेको छ ।

तर, सन् २०२९ सम्म एनसेलले पाउने लाभांश भने आजिआटाले नै पाउने सेयर खरिद सम्झौतामा उल्लेख भएको आजिआटाले जारी गरेको विज्ञप्तिमा उल्लेख छ ।
स्पेक्ट्रलाइट यूके लिमिटेड बेलायतमा दर्ता भएको कम्पनी हो । यसको सञ्चालकमा सतिशलाल आचार्य छन् । आचार्य एनसेलमा २० प्रतिशत हिस्सा भएको सुनिभेरा क्यापिटल भेन्चर्सका सञ्चालक पनि हुन् । अब एनसेलमा प्रत्यक्ष वा अप्रत्यक्ष रुपमा आचार्य समूहकै शतप्रतिशत शेयर स्वामित्य कायम हुने भएको छ ।