खोज

लमही, १८ मंसिर ।

पत्रकार महिलाहरूको क्षमता अभिवृद्धिका लागि पत्रकारितामा प्रविधिको प्रयोग तथा आचारसंहिता विषयक ३ दिने तालिम सुरू भएको छ ।

प्रेस काउन्सिल नेपालको आयोजनामा सोमबारदेखि लुम्बिनी प्रदेशको राजधानी सितगंगा नगरपालिका वडा नम्बर ८ सातमारामा तालिम सुरू भएको हो ।

सो तालिमको उद्घाटन गरेकी हुन । तालिमको उदघाटन गर्दै मन्त्री शर्माले सूचना प्रविधिमा भएको तीब्र विकासले साईवर अपराधहरु बढाएको भन्दै त्यसबाट महिला हिंसा बढ्नु चिन्ताजनक बिषय रहेकाले साईवर अपराध न्यूनीकरण गर्न सञ्चार माध्यमको भूमिका महत्वपूर्ण हुने बताएकी छिन् । महिला हिंसाको स्वरुप बदलिएको भन्दै ईन्टरनेटको माध्यमबाट हुने हिंसा न्यूनिकरण गर्न पत्रकार महिलाहरुले समेत भूमिका खेल्नुपर्ने धारणा राखिन् ।

सामाजिक सञ्जालको दुरुपयोग बढिरहेको, भ्रमपूर्ण सूचनाको खेती भइरहेको भन्दै यसबाट जोगिन सञ्चार साक्षरताकोलागी सरकारले कार्यक्रम बनाउने बताइन् ।

त्यस्तै मन्त्री शर्माले महिलाको सहभागिता हरेक क्षेत्रमा ३३ प्रतिशत पु¥याउने तर्फ ध्यान दिनुपर्ने बताएकी छिन् ।

उनले राज्यले हरेक क्षेत्रमा ३३ प्रतिशत महिला सहभागीता सुनिश्चित गरेपनि राजनीतिक दलको संगठन, पत्रकार संग सम्वन्धित सञ्चार माध्यमहरुमा समेत महिला सहभागिता ३३ प्रतिशत न्यून रहेको भन्दै महिला सहभागिता बढाउन जोड दिएकी छिन् ।

त्यस्तै नेपाल पत्रकार महासंघका केन्द्रीय अध्यक्ष विपुल पोख्रेलले निर्धक्क भएर कलम चलाउन पत्रकार महिलाहरुलाई आग्रह गरेका छन् । उनले अबको पत्रकारिता डिजिटल पत्रकारिता टिक्न र बिक्न सन्ने बताउदै तालिमबाट भरपुर फाइदा लिन आग्रह गरेका छन ।

तालिममा लुम्बिनी प्रदेशका १२ जिल्लाका २० जना पत्रकार महिलाहरुको सहभागिता रहेको छ । तालिम ३ दिन सम्म चल्ने छ । तालिमको प्रशिक्षकहरुमा दुर्गा भण्डारी पौडेल, विपुल पोख्रेल, ठाकुर बेल्वासे, दुर्गालाल केसी, अमृता अनमोल र झविन्द्र भुसाल रहेका छन् ।