© २०२३
२० मंसिर २०८२, शनिबार
२० मंसिर २०८२, शनिबार
दाङ, ३ मङ्सिर ।
दाङ प्रहरीले धारिलो हतियार खुकुरी प्रहार गर्ने तीन जनालाई पक्राउ गरेको छ । बिहीबार अन्दाजी पौने १० बजेतिर घोराही उपमहानगरपालिका–१५ गोरखा हस्पिटल रोड नजिकै हिडिरहेको अवस्थामा घोराही–१५ निवासी २१ वर्षीय कृतिक बुढामगरमाथि खुकुरी प्रहार गरेर गम्भीर घाइते बनाएका थिए ।
धारिलो हतियार खुकुरी प्रहार गरी फरार भएका तीन जनालाई शुक्रबार १ बजेको समयमा घोराही उपमहानगरपालिका–९ स्थित तेघरामा लुकीछिपी बसिरहेको अवस्थामा पक्राउ गरिएको जिल्ला प्रहरी कार्यालय दाङका सूचना अधिकारी सुशिल थापामगरले जानकारी दिए । पक्राउ पर्नेमा घोराही उपमहानगरपालिका–९ निवासी २४ वर्षीय शैलेस शाह, घोराही–१५ निवासी २५ वर्षीय मिस्चल बुढामगर र सोही ठाउँ निवासी २५ वर्षीय नवराज श्रेष्ठ रहेका छन् ।
गम्भीर घाइते भएका कृतिकको राप्ती स्वास्थ्य विज्ञान प्रतिष्ठान घोराहीमा सामान्य उपचार पछि थप उपचारका लागि बाँकेको कोहलपुर मेडिकल कलेजमा रिफर गरिएको भएपनि उनको त्यहाँ पनि उपचार सम्भव नभएपछि अहिले काठमाडौंको मेडिसिटी अस्पतालमा उपचार भैरहेको छ । साथै उनीमाथि खुकुरी प्रहार गर्ने तीनै जनालाई नियन्त्रणमा लिएर थप अनुसन्धान भैरहेको प्रहरीको भनाइ छ ।
© २०२३
सर्वाधिकार सुरक्षित
Design & Developed By:
