खोज

बुटवल, २८ कार्तिक । विश्व मधुमेह दिवसको अवसरमा केन डाईबेटिज एण्ड थाइरोइड सेन्टर तिलोत्तमाले सचेतनामुलक साईक्लोथन कार्यक्रम गरि मनाएको छ । मधुमेह र थाइराइडको विशेषज्ञ उपचार सेवा दिदै आएको सेन्टरले बुटवल युनाईटेड साईक्लिङ क्लब, बुटवल साईक्लिङ ग्रुप, साईकल सिटी बुटवल, तिनाउ साईक्लिङ क्लब लगायतको सहकार्यमा २० किलोमिटर दुरीको साईक्लोथन कार्यक्रम गरेको हो । केन्द्रको परिसर शंकरनगरबाट शुरु भएको साईकल रयाली मणिग्राम हुदै योगीकुटी कालिकापथ, कालिका मन्दिर, नेपालगंज रोड, ट्राफिक चोक, राजमार्ग चौराहा हुदै पुनः केन सेन्टरमा पुगेर समापन गरिएको थियो ।

समापन कार्यक्रममा केनका प्रबन्ध निर्देशक दिनेश कक्षपतिले आफुहरु संस्थागत रुपमा १७ औ विश्व मधुमेह दिवस मनाईएको बताए । सचेतना कार्यक्रमलाई जोड दिनसके यसबाट बिरामीहरुमा आईलाग्ने जोखिमबाट बचाउन सकिने अवधारणसहित कार्यक्रम गरिएको उनले बताए । ‘स्वस्थ्य इमान्दारी आजको मुख्य समस्या छ ।’—उनले भने । यो चिकित्सकमा पनि र बिरामीमा पनि कमजोरी रहेको भन्दै उनले बिरामीहरु निको भएपछि बिचमा आवश्यक परिक्षण छोड्दिने कारण समस्या बल्झिने गरेको उनले बताए । आफु स्वस्थ्य ईमान्दारीलाई मुख्य जोड दिदै आएको उनले बताए । कतिपय बिरामीहरु आफै रिर्पोट हेरेर औषधी खाने गरेको उदाहरण दिदै उनले चिकित्सकहरुको परिक्षणबिना यस्तो गर्न नहुने उनको आग्रह छ । मधुमेह रोग लागेका बिरामीलाई क्यालोरी बर्न गर्नु महत्वपूर्ण मानिन्छ । त्यसको लागि साईक्लिङ र स्वीमिङ सबैभन्दा उत्तम हुने उनले बताए । बुटवलमा युवाहरुको स्वस्थ्य परिक्षणको क्रममा ५० प्रतिशत भन्दा बढीमा समस्या देखिएको भन्दै उनले खानपिन र जीवनशैली समस्याको कारण भएको बताए । यस विषयमा सचेत हुनुपर्ने उनले आग्रह गरे ।

साईक्लिष्टहरुसंग सहकार्यमा एक दिने निशुल्क शिविर गर्न आफु तयार रहेको भन्दै उनले मधुमेह, कलेजो, मुटु र कोलेस्ट्रोल, मृगौलाको निशुल्क परिक्षणमा सहयोग गर्ने प्रतिवद्धता जनाए । ‘रोग बारे समयमा नै पहिचान गरौ ।’—उनले भने । आफनो बुबालाई मधुमेहका कारण १९ वर्षअघि मृगौला खराब भएर प्रत्यारोपण गरेको स्मरण गर्दै अहिले आफनै जन्मथलोमा समुदायमा अभियान चलाउदै आएको बताए । सेन्टरमा निशुल्क काउन्सिलको ब्यवस्थापन रहेको भन्दै उनले खाना र ब्यायामको सन्तुलन ल्याउने उपचार पद्यतीबाट मधुमेहको सही उपचार हुने दाबी गरे ।

कार्यक्रममा मणिमुकुन्द कलेजका प्राचार्य टुक बहादुर क्षेत्रीले अत्यान्तै सृजनसिल कार्यक्रम गरिएको बताए । अन्तराष्ट्रियस्तर मापदण्डमा रहेर पहिचान दिने गरि अभियानमुलक कार्यक्रम भएको भन्दै यो सन्देशलाई सबैलाई प्रवाह गर्न सकेमात्र कार्यक्रम सफल हुने बताए ।

भिडियो सामग्री