खोज

बुटवल,२२ कात्तिक । प्रधानमन्त्री पुष्पकमल दाहालले १२ बुंदे शान्ति सम्झौतामा हस्ताक्षर गरेका दलहरुको वैठक बोलाएको प्रति राष्ट्रिय स्वतन्त्र पार्टीका सभापति रवि लामिछानेले ब्यङग्य र कटाक्ष गरेका छन् । वैठकमा सहभागी दलका नेताहरुलाई हेड सर भन्दै रविले भूकम्प प्रभावितलाई आवश्यक राहत र सहयोग गर्न सुझाव दिएका छन् । उनले व्यवस्थामा कुनै खतरा नरहेको र खतरा भए जनताले नै जोगाउने भन्दै ठूला दलले अनावश्यक चिन्ता गर्न जरुरी नरहेको संकेत दिएका छन् । वैठकमा प्रधानमन्त्री सहित दलका नेताहरुले दुर्गा प्रसाई र राजावादीहरुले अराजकता निम्ताएको भन्दै ठूला दलहरु एकजुट हुनुपर्नेमा जोड दिएका थिए ।

रविले लेखेको स्टाटस यस्तो छ
आदरणीय सर्वदलीय हेड सरू हरु यता सुन्नुस् है,
आज बैठक गर्ने सबै पार्टी मिलेर भुकम्प पीडितका घरमा पाल र ब्लान्केट पुर्याउनुहोस् र यो चिसोमा जनता जोगाउनुस्। ब्यवस्था आफै जोगिन्छ, परिवर्तन आफै जोगिन्छ।।सुत्केरीहरुको जिउ सुन्निएको छ, अस्थाइ शौचालय छैन, पुरिएका चौपायाका कारण महामारी फैलने डर छ। जुटाइदिएको पाल,चामल,दाल समयमै बाड्न नसक्ने अनि चिन्ता ब्यवस्थाको, परिवर्तन कोरु तपाईंहरुले सक्नु हुन्न भने भन्नुस्, रास्वपाले सक्छ र रास्वपा तयार छ त्यो पनि पुनर्निर्माण सम्मको जिम्मा लिन तयार छ। फेरि पनि भन्छु,ब्यवस्थामा खतरा छैन,भए पनि जोगाउने जनता छन्। तिनको जीवन रक्षा गरिदिनुस् ।
परिवर्तनका लागि तातो गोली खान पछि नहटेका जाजरकोट, रुकुम, बझाङका जनतालाई यो चिसोमा आकाश मुनि सुत्न बाध्य पारेर परिवर्तन जोगाउने बैठकको दृश्यले मेरा आँखा नराम्ररी बिझाए।
नोटस् उद्दार कार्य उत्कृष्ट थियो तर राहत बितरण कत्तिपनि सहि भएन।