© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौं ।
सरकारले यसअघि सार्वजनिक गरेको भूकम्पीडितको तथ्यांक हेरफेर गरेको छ। मृतक संख्या १५३ रहेको सरकारको पछिल्लो विवरणमा उल्लेख छ।
यसअघि मृतक संख्या १५७ भनिएकोमा केही नाम दोहोरो परेकाले सच्याइएको सरकारको प्रष्टीकरण छ।एउटै व्यक्तिका फरकफरक नाम भएकाले दोहोरो टिपिएको पाइएको र अहिले सच्याइएको प्रधानमन्त्रीको सचिवालयले जनाएको छ।
मृतकमध्ये १०१ जना जाजरकोटका छन्। तीमध्ये ५६ महिला र ४५ पुरुष छन्।
यस्तै, रुकुम पश्चिमका ५२ मृतकमध्ये २७ महिला र २५ पुरुष छन्।
सरकारी विवरणअनुसार, ३३८ जना घाइते भएकामा ९५ जना विभिन्न अस्पतालमा उपचाररत छन्। २४३ जना डिस्चार्ज भएका छन्।
घाइतेमध्ये ८ जनाको अवस्था गम्भीर छ। गत शुक्रबार राति ११ः४७ मा जाजरकोटको रामीडाँडा केन्द्रविन्दु भएर गएको भूकम्पले करिब ४ हजार घर भत्किएका छन्।
© २०२३
सर्वाधिकार सुरक्षित
Design & Developed By:
