खोज

बुटवल (बुटवलटुडे), १९ कार्तिक– प्रधानमन्त्री पुष्पकमल दाहाल प्रचण्डले भूकम्प प्रभावित क्षेत्रमा सरकार उद्दारको काममा लागेको बताएका छन् । जाजरकोट र रुकुम पश्चिमको भूकम्प प्रभावित क्षेत्रको अवलोकनपछि नेपालगञ्ज आइपुगेका प्रधानमत्री प्रचण्डले सयौं घाइते भएको र हजारौं घरमा क्षति पुगेको भन्दै उनले भने, ‘आजको दिनमा सरकारको तर्फबाट जे गर्नुपथ्र्यो, गरिएको छ ।’ आइतवारदेखि राहत तथा पुनस्र्थापनामा जुट्ने उनले बताए ।

जाजरकोट केन्द्र बिन्दु भनेर ६.४ रेकटर स्केलको भुकम्प गएपछि उद्दार, राहतमा स्थानीय देखि प्रदेश र संघीय सरकार समेत जुटेको हो । अघिल्लो पटक २०७२ सालको भुकम्पको बेला जुटेका सहयोगी हातहरू कारोना कहरमा पनि सहयोगी हातहरू जुटेका थिए । कोरोना कहरको बेला स्थानीय क्वारेन्टाइन निर्माणदेखि लिएर औषधि उपचार व्यवस्थामा समेत स्थानीय सरकारले बिशेष भूमिका निर्वाह गरेका थिए । यस्तै शुक्रबार राति जाजरकोट केन्द्र बिन्दु भएर गएको भुकम्पमा पनि शनिबार देखि नै राहात, उद्दार र सहयोगमा समेत जुट्दै गएका छन् ।
लुम्बिनी प्रदेश सरकारले भूकम्प प्रभावित जाजरकोट र रुकुम पश्चिमका लागि डेढ करोड रूपैयाँ आर्थिक सहयोग गर्ने भएको छ । प्रदेश सरकार मन्त्रिपरिषद्को बैठकले डेढ करोड सहयोग गर्ने निर्णय गरेको प्रदेश सरकारका अर्थमन्त्री धनबहादुर मास्कीले जानकारी दिए । उक्त रकम प्रदेश विपद् कोषबाट निकासा गरी कर्णाली प्रदेश सरकारलाई दिइने छ । साथै लुम्बिनी प्रदेश सरकारले प्रभावित जिल्लामा उद्वारका लागि गृहमन्त्री सन्तोष पाण्डेको नेतृत्वमा उद्धारकर्ताको एक टोली पठाउने निर्णय समेत गरेको छ । प्रदेश सरकारले यसअघि शनिबार बिहान राप्ती प्रादेशिक अस्पताल तुलसीपुरका निमित्त मेडिकल सुपरिटेन्डेन्ट डा. पदमराज अधिकारीको नेतृत्वमा २० जना स्वास्थ्यकर्मी तथा स्वास्थ्य सामग्री पठाइसकेको छ ।

रूपन्देहीको तिलोत्तमा नगरपालिकाले पनि चिकित्सक सहितको टालि पठाएको छ । तिलोत्तमा नगरपालिकाले भूकम्प प्रभावितका लागि १० लाख रूपैयाँ राहत दिने रूपन्देहीको तिलोत्तमा नगरपालिकाले भूकम्प प्रभावित जाजरकोट र रुकुम पश्चिमलाई १० लाख रूपैयाँ आर्थिक सहयोग गर्ने निर्णय गरेको छ । नगर कार्यपालिकाको आकस्मिक बैठकले आर्थिक सहयोग संगै घाइतेको उपचारका लागि जनस्वास्थ्य निरीक्षक रामेश्वर ढकाल सहित ५ जना स्वास्थ्यकर्मीको टिम, एम्बुलेन्स, औषधी, त्रिपाल, उद्वार सामग्री हित जाजरकोट र रुकुम पश्चिम पठाउने निर्णय समेत गरेको छ । नगरप्रमुख रामकृष्ण खाँणले स्वास्थ्यकर्मीको टोलीलाई आफूले प्रयोग गर्दै आएको गाडी उद्वार कार्यका लागि पठाएको बताए । स्वास्थ्यकर्मीको टोलीलाई भूकम्प प्रभावित क्षेत्रमा पठाउने क्रममा नगरप्रमुख खाँणसहितको टोलीले आवश्यक परे नगरपालिका सहयोग गर्न तयार रहेको जानकारी गराएका थिए ।

जाजरकोट केन्द्रविन्दु भएर गएराती भएको भूकम्पमा परी घाइतेहरूको उद्वारका लागि लुम्बिनी प्रादेशिक अस्पताल बुटवलको टोली भूकम्प प्रभावित क्षेत्रतर्फ प्रस्थान गरेको छ । मानवीय क्षति न्यूनीकरण तथा त्यहाँको स्वास्थ्य उपचारलाई सहज बनाउने उद्देश्यले डाक्टरसहितको टोली औषधी लिएर त्यसतर्फ प्रस्थान गरेको लुम्बिनी प्रादेशिक अस्पतालका मेडिकल सुपरिटेन्डेन डा. सुदर्शन थापाले जानकारी दिनुभयो । भूकम्पमा परी घाइते भएकाहरूको उपचारका लागि अस्पतालमा बिरामी ल्याउनुपर्ने अवस्था आएको खण्डमा समेत सोही अनुसारको तयारी गरिएको मेसु डा. थापाको भनाइ छ । अस्पतालका एमडीजीपी डा. सुनिल सुनारको नेतृत्वमा ५ जनाको टोली भूकम्प प्रभावित क्षेत्रतर्फ प्रस्थान गरेको हो । यस्तै भूकम्पमा परि घाईते भएका हरूको उपचारको लागि रगत अभाव हुन नदिनको लागि रूपन्देहीमा आकस्मिक रक्त दान गरिएको छ । जहाँ संकलन भएको रगत प्रभावितको उपचारमा प्रयोग गरिने छ ।

नेपाल क्रिकेट संघ (क्यान)ले आइतवरा हुने नेपाल र ओमानको फाइनल खेलको टिकट बिक्रीबाट प्राप्त हुने रकमको आधा भूकम्प पीडितलाई सहयोग गर्ने घोषणा गरेको छ । टी–२० विश्वकप एसिया छनोटको फाइनलमा आइतबार बिहान ११ बजे नेपाल र ओमान भिड्दैछन् । संघका सचिव पारस खड्का अनुसार भोलि अधिकतम १२ हजारसम्म टिकट बिक्री गर्ने लक्ष्य छ । प्रति टिकटको मूल्य ३ सय ५० रूपैयाँ तोकिएको छ । क्रिकेट संघले शनिबार सूचना निकालेर फाइनल खेलको टिकट बिक्रीबाट प्राप्त हुने रकमको आधा (५० प्रतिशत) भूकम्प पीडितलाई दिने जनाएको छ ।

एनसेल आजियाटा लिमिटेड शुक्रबार रातीको विनाशकारी भूकम्पबाट ज्यान गुमाउनेहरू प्रति हामी हार्दिक श्रद्धाञ्जली अर्पण गर्दछ र शोकाकुल परिवारमा हार्दिक समवेदना प्रकट गर्दै घाइतेहरूको शिघ्र स्वास्थ्य लाभको कामना गर्दछ ।
एनसेलले भूकम्पपीडितको उद्धार, उपचार र राहतमा तत्काल सहयोग गर्न कर्णाली प्रदेश सरकारलाई रु ५० लाख रूपैयाँ उपलब्ध गराउने निर्णय गरेको छ ।

साथै, ग्राहकहरूलाई आफ्ना प्रियजनहरूसँग सम्पर्कमा रहन र सोही क्षेत्रमा राहत तथा उद्धारकार्यलाई सहयोग पुर्याउन प्रभावित जिल्ला जाजरकोट, रुकुम (पश्चिम) र रुकुम (पुर्व) मा रहेका ग्राहकहरूलाई रु ४० लाख ब्यालेन्स बराबरको सेवाहरू निःशुल्क उपलब्ध गराइने जानकारी गराउन चाहन्छौं । यसरी पाइने सेवाहरूमा देशका अन्य नेटवर्क र विदेशमा कल गर्न सकिने सेवा, डेटा र एसएमएस रहेका छन् । समयसीमा १५ दिनको रहने छ ।हाल भूकम्प प्रभावित रुकुम पूर्व, रुकुम पश्चिम र जाजरकोट क्षेत्रमा नेपाल टेलिकमका सम्पूर्ण सेवाहरू सुचारु रहेको जानकारी गराइन्छ । यस विषम परिस्थितिमा नेपाल टेलिकम आफ्नो कर्तव्य बोध गर्दै सबै प्रकारका दूरसञ्चार सेवाहरूलाई नियमित रूपमा सुचारु राख्ने प्रतिबद्धता समेत व्यक्त गर्दछौँ । सूचना आदान–प्रदानलाई निरन्तरता दिन उक्त क्षेत्रमा रहनुभएका कम्पनीका सम्पूर्ण मोबाइल ग्राहकहरूलाई पाँच (५) दिनको अवधिका लागि निःशुल्क भ्याइस तथा एसएमएस सेवा उपलब्ध गराइएको छ ।

बुटवलको नौलो बहुउद्देश्यीय सहकारी संस्था लिमिटेडले भूकम्प पीडितहरूका लागि आर्थिक सहयोग उपलब्ध गराउने घोषणा गरेको छ । बुटवल उपमहानगरपालिका–७ मा कार्यालय रही विगत १४ वर्षदेखि सञ्चालनमा रहेको सहकारीले सरकारले घोषणा गरेको राहत कोषमा २५ हजार रूपैयाँ आर्थिक सहयोग उपलब्ध गराउने घोषणा गरेको हो । भुकम्पमा परि यो सामाचार तयार पार्दा सम्म १ सय ५७ जनाको मृत्यु भएको छ र २ सय २ जना घाइते भएका छन् । यो संख्या बढ्न सक्ने अनुमान गरिएको छ ।